Matej 5

O Isus sikavel kaj si bahtale okola save paćan ande leste

1Kana o Isus dikhlas kaj ćida pes o but o them, lijape opre pe gora thaj bešlo. Pe godova aviline leste e učenikurja 2thaj o Isus počnisardas te sikavel len alavenca:

3“Blago okolenđe save svatin kaj si lenđe o Del potrebno

kaj si lengo o Carstvo nebesko!

4Blago okolenđe save tuguin,

kaj o Del utešila len!

5Blago okolenđe e kovle ileja

kaj nasledina e phuv;

6Blago okolenđe save si bokhale thaj trušale pale pravednost,

kaj čaljona!

7Blago okolenđe save si milosrdne,

kaj o Del smiluilape lenđe!

8Blago okolenđe save si čiste ileja,

kaj e Devles dićhena!

9Blago okolenđe kaj ćeren miro,

kaj akhardona čhave e Devlešće!

10Blago okolenđe save si progonime andar godova kaj si pravedne anglo Del,

kaj lengo si o Carstvo nebesko!

11Blago tumenđe kana zbog mande avena vređome, progonime thaj kana hohaipe phenena pe tumende thaj vi svako vrsta bilačhipe! 12Raduin tumen thaj aven bahtale, kaj si bari tumari poćin ando nebo. Kaj gajda progoninas vi e prorokonen save sas majsigo tumendar!”

E Isusešće učenikurja si lon thaj svetlo

13O Isus phendas: “Tumen sen o lon e themenđe pe phuv. Ako o lon naj londo, sova lonđarelape? Askal majbut či avela pale khančeste, osim te čhudelpe avri te o them uštavel les. 14Tumen sen svetlo e themešće. Naštik garadol o gav savo si pe gora. 15Či den jag o stenko te čhon les talo čaro, nego čhon les po čirako te svetlil savorenđe ando ćher. 16Gajda tumaro svetlo neka svetlil angle manuša te dićhenpe tumare lačhe dela thaj te slavin tumare Dades savo si ando nebo.”

O Isus sikavel andar e Mojsijesko zakono thaj andar e prorokurja

17O Isus phendas: “Na te gindin kaj me avilem te čhinav e Mojsijesko zakono thaj e prorokonenđe zapisurja. Či avilem te čhinav len, nego te pherav len. 18Čačes phenav tumenđe: sa džikaj postoil o nebo thaj e phuv, či naćhela ni majcikno slovo niti jek crtica andar e Mojsijesko zakono dok sa či dogodilpe. 19Ali, ako vareko phenel kaj naj važne jek katar akala majcikne zapovesti thaj gajda sikavel aver manušen, majcikno avela ando Carstvo nebesko. A ko inčarel e zapovesti thaj aver manušen sikavel te ćeren gajda avela baro ando Carstvo nebesko. 20Kaj phenav tumenđe, te či avili tumari pravednost majbari katar e pravednost e sikavnenđi e Mojsiješće zakonestar thaj e farisejenđi, nisar či dena ando Carstvo nebesko!”

O Isus mothol pale srdžba

21O Isus phendas: “Ašundine sar si phendo ande Mojsijesko zakono amare prapaponenđe: ‘Na mudar, kaj ko mudarel, avela došalo e sudošće.’ 22A me phenav tumenđe: ko holjavol pe piro phral, avela došalo e sudošće! A ko phenel pire phralešće kaj si čalado, avela došalo angle majbaro sudo. A ko phenel pire phralešće dileja, avela došalo anglo pakao e jagako. 23Zato ako anes ćiro daro po žrtveniko thaj okote des tut gođi kaj ćire phrales si vareso protiv tute, 24muk e žrtva anglo žrtveniko thaj dža majsigo thaj pomirisar tut ćire phralesa, thaj tek askal av thaj prinesisar ćiro žrtveno daro e Devlešće.

25Brzo nagodisar tut ćire protivnikosa dok san lesa po drom, te či inkalel tut anglo sudo, a o sudco či čhudel tut ande tamnica. 26Čačes phenav tuće: či inkljeja kotar dok či poćines sa so san udžile džiko poslednjo lovoro.”

O Isus sikavel te na ćerelpe preljub

27O Isus majdur phenelas: “Ašundine sar si phendo ando zakono: ‘Na ćer preljub!’ 28A me phenav tumenđe: Svako savo dićhel pe avrešći romnji te sovel lasa, već ande piro ilo ćerdas lasa preljub. 29Ako ćiri desno jak crdel tut po bezeh, inkal ći jak thaj čhude lat tutar, kaj majlačhe tuće te propadnil jek deo katar ćiro telo, nego ćo sasto telo te avel čhudino ando pakao. 30Thaj ako ćiro desno vas crdel tut po bezeh, čhin ćo vas thaj čhude les tutar, kaj majlačhe tuće te propadnil jek deo katar ćiro telo, nego sasto ćo telo te džal ando pakao.”

O Isus sikavel te na rastavi men

31O Isus majdur phenelas: “Ašundine kaj si phendo ando Mojsijesko zakono: ‘Ko rastavilpe pire romnjatar, neka del lat lil kaj si rastavime.’ 32A me phenav tumenđe: Svako ko rastavilpe pire romnjatar, osim zbog o preljub, crdel lat te ćerel preljub. Thaj svako ko oženilpe rastavime romnjava, ćerel preljub.”

O Isus sikavel te na has solah

33O Isus majdur phenelas: “Isto gajda ašundine kaj si dumutune phendo ande Mojsijesko zakono amare prapaponenđe: ‘Inćar e solah savi dijan e Gospodešće.’ 34A me phenav tumenđe: Na han solah, ni e nebosa, kaj si prestolje e Devlesko, 35ni e phuvjasa, kaj si tale lešće pungre, ni e Jerusalimeja, kaj si gav e Devlesko, e bare carosko. 36Na han solah ni tumare šoresa, kaj naštik ni jek bal po šoro te ćeren ni kali ni parni. 37Zato kana phenen: ‘Kamav’, neka avel ‘Kamav’, thaj kana phenen: ‘Či kamav’, neka avel ‘Či kamav’. Sa so si majbut katar godova, avel katar o bilačho.”

O Isus sikavel te či osveti men

38O Isus majdur phendas: “Ašundine kaj si phendo ando Mojsijesko zakono: ‘Jak pale jak, dand palo dand.’ 39A me phenav tumenđe: na oduprin tumen e bilačhe manušešće! Te vareko pekla tut pe desno rig ćire mujestar, tu bolde lešće vi aver rig. 40Thaj ako vareko kamel te sudilpe tuva te lel tutar ćiro gad, de les vi ćiro ogrtači. 41Te traden tut e rimske vojnikurja te inđares lenđi oprema jek kilometar, tu inđar duj kilometra. 42Ko manđel tutar vareso, de les, thaj na bolde e dume okolestar ko zamolil tut te des les udžile.”

O Isus sikavel kaj trubul te volisaras amare dušmajen

43O Isus majdur phendas: “Ašundine kaj si phendo: ‘Volisar ćire pašutnes’, a mrzisar ćire dušmanes. 44A me phenav tumenđe: volin tumare dušmajen thaj molin tumen pale okola save progonin tumen! 45Ako gajda ćeren, avena sago prave čhave tumare nebesko Dadešće, savo del te inkljel lesko kham pe bilačhe thaj pe lačhe manuša, thaj del te lesko bršnd perel okolenđe kaj si pravedne thaj okolenđe kaj si nepravedne. 46Kaj te volin samo okolen save tumen volin, sošći nagrada šaj ažućaren? Zar či ćeren godova vi e carinikurja? 47Ako pozdravin samo tumare phralen, zar ćeren vareso naročito? Zar či ćeren godova vi okola kaj či pinđaren e Devle. 48Gajda vi tumen aven savršene, sago kaj si savršeno tumaro Dad nebesko.”

Actualmente seleccionado:

Matej 5: RČB

Destacar

Copiar