Mata Mesehw kad pa Labara mambəla ana ta Mata
Mesehw kad pa Labara mambəla ana ta Mata
Fana nesey sə, Labara mambəla ana masa Mata ta vindiya da yaŋ mezlər te Yesu. Mata ana sə, aŋga nda macəkala budaw masa Yesu ta zaliya a da njah ka nda masasəraka jene tata. Aŋga nda amta deveŋ maslaŋ hay masa Yesu te zlerdeceŋ eve megweɗeceŋ ka ta bəzad Labara mambəla ana va mawun Macam yaŋ ta ndah ta Zlavay dapa vavara.
Dapa ɗelewer ana nesey, ke gweɗ da yaŋ mehey te Yesu, mezlər hay tata, mesesərek hay tata va maməc tata.
Mata a vində Labara mambəla ana nesey sə, kad tərsam tata Zuwef hay, ke te ŋguzdecen eve metehwe ana, Yesu sə, aŋga nda mambəla nda masa ndah mehwedek ma hay ac ke gweɗ da yaŋ ana zleezle. Jene hay fakwan masa magwaɗa da yaŋ ana dapa vavara sə, eve metehwe ana jeŋ ana hay ac ka ŋgata. Aŋga sə, Bay masa ma magwaɗa daha da yaŋ ana, e te dekey. Mafay ana, ndana hay mabay ac ka gərda mazal mezel tata ka ta pafa «Wut te Deevet», afa bay Deevet sə, aŋga bay mazlakava dapa tərsam teceŋ.
Labara mambəla ana masa Mata ta vindiya sə, mavəna ara nesey:
1. Mezel ta papaŋ ta papaŋ te Yesu 1.1–2.23
2. Mabəzad ma ta Zaŋ Baatis 3.1-12
3. Meŋgə beetem te Yesu va masa Saadan a cakiya 3.13–4.11
4. Yesu e dey ka ta njah e Gelile 4.12–18.35
5. Yesu a daɓa de Gelile kad Zeruzelem 19.1–20.34
6. Manah hay mamaɗ yaŋ ana te Yesu dapa vavara 21.1–27.66
7. Mepərekek te Yesu dapa maməcay 28.1-20
Actualmente seleccionado:
Mata Mesehw kad pa Labara mambəla ana ta Mata: CUVnt
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2022 CABTAL