Jenesis 27:39-40

Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu. Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”