Yaɓooda 13
13
Lot gangɨn na kɨ Abram
1Abram ɓai dɔning Ejipt't ɓa tan kɨ dɔningt kɨ Negeb, ĩ kɨ nẽn kɨ nyag lon tube, na Lot i nat sia. 2Abram i ngenyamaj kɨngãi, ad i nyakulg kɨ larjã kɨ lɔr. 3Ɓai Negebt aw jan jan mbã tee Betelt nderbe lot'n ɗa kujkubgt londɨt kɨkete, mbɨna Betelt kɨ Ai. 4Kam lot'n ɗa dɨngɨr kadkari tit kete nõ la Abram ko kunɨn Bɨraɓe kɨ tɔa ye.
5Lot kɨ ngekaw nat kɨ Abram, aw kɨ ɓut batg kɨ ɓut mangg kɨ kujkubg ho. 6Na dɔning asɨd al kad hɔn londɨ nat kɨtɔ nyag lod ĩn ngãi, ad asɨn hɔlondɨd nat al. 7Gakɨna ɓai ku ngéngom nyakulgt lo Abram kɨ ngéngom nyakulg lo Lot. Kaglot'n non Kanag kɨ Perejiag ndɨn dɔning Kanat nõ. 8Abram el Lot an: M'kɔi kad gakɨna goto danjt kɨ dan ngéngom nyakulgt lom kɨ ngéngom nyakulg loi ho, kɨtɔ jĩ ngankõna. 9Dɔning kɨtaagbe to nõit ale? M'kɔi, kɨ i gang roi kɔ romt Ĩla un ko gel a ne, m'a m'aw ko kõt, na ĩla un ɗob ko kõt a ne, m'a m'aw ko gelt.
10Lot un kumɨn kɨ dõ, nɔl lo ko kɨ Jurdẽt, i dɔning kɨmaj ngãi, kɨtɔ to kad baht. Kete lon Bɨraɓe tujɨn ɓebo Sodom kɨ Gomor kɔ al ɓaitɔ ye aw mbã tee Soart. Dɔning'n non i tit ndɔɔ lo Bɨraɓe be, i tit dɔning Ejipt be. 11Lot kɔt dɨlalombo kɨ Jurdẽt kɨtaagbe kɨtɔ ron, na aw ko loɓakàdt. Titbe la gangɨn ne na ye 12Abram hɔlondɨ dɔning Kanat, na Lot hɔlondɨ dan ɓebogt kɨ kam dɨlambot, aw mbã kɨ ɓebo Sodomt ɗa kujkubg lon tit. 13Na deg kɨ ɓebo Sodom ĩn deg kɨmajal, ĩn ngéɗamajal kɨngãi nõ Bɨraɓet.
14Bɨraɓe el Abram, lon Lot gangɨn ne na sia, an: Un kumi kɨ dõ tajigla lot'n i ɗat nõ, i nɔl lo kokɨdɔɔ kɨ lo kokɨɓodo kɨ ko loɓakàdt kɨ lokudkàdt, 15Ãã dɔning tube'n oo nõ, m'a m'adi kɨ kohi ho mbãkɨnõt. 16M'a mad kohi bɨlan kɨdɔtdɔt tit kɨ buning be, na ĩla de mad asɨ tɨda kɔr buning a ne, a tɨda kohi titbe tɔ ho. 17I ɓai dõ, i ndia kam dɔningt kad oo ngala kɨ tata kɨtɔ ĩn non la m'a m'adi ye 18Nõbe, Abram tɔrr kujkubg lon, na aw hɔlondɨ kad kag dilgt lo Mamre, ĩgɨn ĩn Hebrõt. Nõbe la ɗa dɨngɨr kadkari tit ad Bɨraɓe ye.
Actualmente seleccionado:
Yaɓooda 13: MlL
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Mbai Bible Revision © Bible Society of Chad, 2015.
