TOWUNÖT 5
5
1 #
Tow 1:27-28. Anyï ara tötutyo monïngo Adam. Atakinye kigh Tororöt chi, kigh nyinte chane kïkarkegh nko nyinte. 2#Mat 19:4; Mrk 10:6. Kigh mïrön nko korka akusoyön atolapay kïmïnchï chane lö, “Ptangengmöt.” 3Otini kitïng Adam könyis 130, kïsïch monïng nyo le weri nyo kikarkegh nko nyinte, kïkurö Set. 4Kïngata otini kiyï Adam Set, kïtöpö ngat könyis 800 kisïch monïnge walaka cho le wor nko tipïn. 5Kïrapas Adam ato kitïng könyis 930.
6Otini kitïng Set könyis 105, kïsïch werïnyi nyo kikuro Enos. 7Kïngata atoni, kïtöpö Set ngat könyis 807, kisïch monïnge walaka cho le wor nko tipïn. 8Kïrapas Set ato kitïng könyis 912.
9Otini kitïng Enos könyis 90, kïsïch werïnyi nyo kikuro Kenan. 10Kïngata atoni, kïtöpö ngat könyis 815, kisïch monïnge walaka cho le wor nko tipïn. 11Kirapas ato kitïng könyis 905.
12Otini kitïng Kenan könyis 70, kïsïch werïnyi nyo kikuro Maalalel. 13Kïngata atoni, kïtöpö ngat könyis 840. Kisïch monïnge walaka cho le wor nko tipïn. 14Kirapas ato kitïng könyis 910.
15Otini kitïng Maalalel könyis 65, kïsïch werïnyi nyo kikuro Yared. 16Kïngata atoni, kïtöpö ngat könyis 830. Kisïch monïnge walaka cho le wor nko tipïn. 17Kirapas ato kitïng könyis 895.
18Otini kitïng Yared könyis 162, kïsïch werïnyi nyo kikuro Enok. 19Kïngata atoni, kïtöpö ngat könyis 800. Kisïch monïnge walaka cho le wor nko tipïn. 20Kirapas ato kitïng könyis 962.
21Otini kitïng Enok könyis 65, kïsïch werïnyi nyo kikuro Metusela. 22Kitöpö nyu Enok nko Tororöt könyis 300 akisïch monïnge walaka cho le wor nko tipïn. 23Kïlenyona kimöngisyö Enok könyis 365. 24#Epr 11:5; Yud 1:14.Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.
25Otini kitïng Metusela könyis 187, kïsïch werïnyi nyo kikuro Lamek. 26Kïngata atoni, kïtöpö ngat könyis 782. Kisïch monïnge walaka cho le wor nko tipïn. 27Kirapas Metusela ato kitïng könyis 969.
28Otini kitïng Lamek könyis 182, kïsïch werïnyi nyo 29kïkuro Noa, ompöwölo kilö, “Monïngete nyo konecha kimïny kïngetunö ighisyewutköcha cho owesöch cho kighocha ewunecho ompö ngwïnyinï kichïp ECHOTYON.” 30Kïngata atoni, kïtöpö Lamek ngat könyis 595. Kisïch monïnge walaka cho le wor nko tipïn. 31Kirapas ato kitïng könyis 777.
32Kïkany kwitïta Noa könyis 500, kïsïch werkachi sömök, Syem nko Am nko Yapet.
Ghöyityo ptangengmöt
Actualmente seleccionado:
TOWUNÖT 5: PIPÏLIA
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
©Bible Society of Kenya, 2019
