ᒉᓂᓯᐢ 4
4
1ᐋᑕᒼ ᒫᑲ ᑭ ᑭᐢᑫᔨᒣᐤ ᐃᐧᐊᐧ ᐃᑊ; ᑭ ᐊᔮᐁᐧᐤ ᒫᑲ, ᒥᓇ ᑭ ᓂᐦᑖᐃᐧᑭᐦᐁᐤ ᑫᓇ, ᐅᒥᓯ ᒫᑲ ᑭ ᐃᑌᐧᐤ, ᓂ ᑭ ᐊᔮᐋᐧᐤ ᓈᐯᐤ ᑳ ᑎᐯᔨᐦᒋᑫᐟ ᐅᐦᒋ. 2ᒥᓇ ᑭ ᐊᑎ ᓂᐦᑖᐃᐧᑭᐦᐁᐤ ᐅᒋᐋᐧᒥᔨᐊᐧ ᐁᐱᓬᐊ. ᐁᐱᓬ ᒫᑲ ᑭ ᑲᓇᐃᐧᒫᔭᑎᑫᐧᐤ, ᒫᑲ ᐃᐧᔭ ᑫᐣ ᑭ ᐊᑐᐢᑳᑕᒼ ᐊᓯᐢᑭ. 3ᐁᑯᓯ ᑭ ᐃᐢᐸᔨᐤ, ᑫᐣ ᑭ ᐯᑖᐤ ᐁ ᐃᓯ ᓂᐦᑖᐃᐧᑭᒋᑫᐟ ᐁ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᐟ. 4#ᐦᐃᐸᕒᐅᐊᐧ 11:4ᒥᓇ ᐁᐱᓬ, ᐃᐧᐢᑕ ᑭ ᐯᓯᐁᐧᐤ ᐁ ᓂᐢᑕᒧᓭᔨᐟ ᐅᑲᓇᐁᐧᔨᒪᑲᓇ ᐊᓯᒋ ᐁ ᐃᐧᔨᓄᐃᐧᔨᐟ. ᑳ ᑎᐯᔨᐦᒋᑫᐟ ᒫᑲ ᑭ ᑭᐦᒉᔨᒣᐤ ᐁᐱᓬᐊ, ᐊᓯᒋ ᐅ ᐸᑭᑎᓇᓱᐃᐧᐣ; 5ᑫᐣ ᒫᑲ, ᒥᓇ ᐅ ᐸᑭᑎᓇᓱᐃᐧᐣ ᓇᒪ ᑭ ᑭᐦᒉᔨᑕᒪᐁᐧᐤ. ᐁᑯᓯ ᑫᐣ ᑭ ᒥᓯ ᑭᓯᐋᐧᓯᐤ, ᐁ ᑭ ᐸᑭᒋᑫᐧᐸᔨᐟ. 6ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᑫᓇ, ᑖᓀᐦᑭ ᑳ ᑭᓯᐊᐧᓯᔭᐣ? ᑖᓀᐦᑭ ᒥᓇ ᑳ ᐸᑭᒋᑫᐧᐸᔨᔭᐣ? 7ᑭᐢᐱᐣ ᑭ ᒥᔪ ᑐᑌᐣ, ᓇᒪ ᒋ ᑭ ᑲ ᐅᑎᓂᑯᐃᐧᓯᐣ? ᑭᐢᐱᐣ ᒫᑲ ᐁᑳ ᒥᔪ ᑐᑕᒪᐣ, ᒪᒑᔨᐃᐧᐣ ᐱᒥᐦᑎᐣ ᐃᐢᑳᐧᑌᒥᕽ. ᑭᔭ ᐃᓴ ᑭ ᑲ ᐸᑯᓭᔨᑕᒫᐠ, ᒥᓇ ᑭᔭ ᑭ ᑲ ᑎᐯᔨᒫᐤ. 8#ᒫᐟᔪ 23:35; ᓬᐅᐠ 11:51; 1 ᒑᐣ 3:12ᐁᑯᓯ ᑫᐣ ᑭ ᐃᐧᐦᑕᒪᐁᐧᐤ ᐁᐱᓬᐊ ᐅᒋᐋᐧᒪ; ᐁᑯᓯ ᑭ ᐃᐢᐸᔨᐤ, ᐃᐢᐱ ᑭᐢᑎᑳᓂᕽ ᐁ ᐊᔮᒋᐠ, ᑫᐣ ᑭ ᐸᓯᑰᐢᑕᐁᐧᐤ ᐁᐱᓬᐊ ᐅᒋᐋᐧᒪ, ᐁ ᑭ ᓂᐸᐦᐋᐟ.
9ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᑫᐣ, ᑖᓂᐊᐧ ᑭᒋᐋᐧᒼ ᐁᐱᓬ? ᐅᒥᓯ ᒫᑲ ᑭ ᐃᑌᐤ, ᓇᒪᐃᐧᔭ ᓂ ᑭᐢᑫᔨᑌᐣ; ᓂᔭ ᒋ ᓂ ᑲᓇᐁᐧᔨᒫᐤ ᓂᒋᐋᐧᒼ? 10#ᐦᐃᐸᕒᐅᐊᐧ 12:24ᐁᑯᓯ ᐅᒥᓯ ᑭ ᐃᑌᐤ, ᑫᑲᐧᐩ ᑳ ᑭ ᑑᑕᒪᐣ? ᐅᒥᕽ ᑭᒋᐋᐧᒼ ᐊᐢᑭᕽ ᓄᐦᒋ ᒪᐃᐧᒧᐢᑖᑯᐋᐧᐣ. 11ᐁᑲᐧ ᒫᑲ ᑭ ᓈᓂᐳᒥᑲᐃᐧᐣ ᐊᐢᑭᕽ ᐅᐦᒋ, ᐊᓂᒪ ᑳ ᑭ ᑖᐊᐧᑎᒪᑲᕽ ᐁ ᑭ ᐅᑎᓇᒧᒪᑲᕽ ᐅᒥᕽ ᑭᒋᐋᐧᒼ ᑭᒋᒋᕽ ᐅᐦᒋ: 12ᐃᐢᐱ ᒫᑲ ᐋᑕ ᐊᑐᐢᑳᑕᒪᓂ, ᓇᒪᐃᐧᔭ ᑭ ᑲ ᓂᐦᑖᐃᐧᑭᑕᒫᑯᐣ; ᑭ ᑲ ᐸᐹᒪᒧᐣ ᒥᓇ ᑭ ᑳ ᒪᒋᑳᓂᐃᐧᐣ ᐅᑕ ᐊᐢᑭᕽ. 13ᑫᐣ ᒫᑲ ᑭ ᐃᑌᐤ ᑳ ᑎᐯᔨᐦᒋᑫᐟ, ᓂᐟ ᐃᑕᓱᐋᐧᑎᑯᐃᐧᐣ ᐅᓴᒼ ᑯᓯᑲᐧᐣ ᑭᑕ ᑭ ᐱᒥᐃᐧᑕᔭᐣ. 14ᒋᐢᐟ, ᐊᓄᐦᐨ ᑳ ᑭᓯᑳᐠ ᑭ ᐊᐧᔮᐃᐧᑎᓴᐦᐅᐣ ᐊᐧᐢᑭᑕᐢᑲᒥᐠ ᐅᐦᒋ; ᒥᓇ ᑭ ᑲ ᑳᓱᐢᑕᐃᐧᐣ; ᐁᑯᓯ ᒫᑲ ᓂ ᑲ ᐸᐹᒫᒧᐣ ᒥᓇ ᓂ ᑲ ᒪᒋᑳᓂᐃᐧᐣ ᐅᑕ ᐊᐢᑭᕽ; ᐁᑯᓯ ᒥᓇ ᑲᑕ ᐃᐢᐸᔨᐤ ᐱᑯ ᐊᐃᐧᔭᐠ ᑫ ᒥᐢᑲᐃᐧᑫᐧ ᑭᑕ ᓂᐸᐦᐃᐟ. 15ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ, ᐁᐊᐧᑲ ᐅᐦᒋ ᐊᐁᐧᓇ ᑫ ᓂᐸᐦᐊᑫᐧ ᑫᓇ, ᑌᐸᑯᑊ ᑕᐦᑖᐧᐤ ᑫ ᐅᑎᐦᑎᑯᐟ ᐅᔭᓱᐋᐧᑎᑯᐃᐧᐣ. ᐁᑯᓯ ᑳ ᑎᐯᔨᐦᒋᑫᐟ ᑭ ᑭᐢᑭᓇᐋᐧᒋᐦᐁᐤ ᑫᐣ, ᑲᑲᔦ ᐊᐃᐧᔭ ᒥᐢᑳᑯᒋ ᑲᑕ ᐃᐧ ᓂᐸᐦᐃᑯᐟ.
16ᐁᑯᓯ ᑫᐣ ᑭ ᓇᑲᑕᒼ ᐃᑕ ᐁ ᐊᔮᔨᐟ ᑳ ᑎᐯᔨᐦᒋᑫᐟ, ᑭ ᐃᐧᑭᐤ ᐊᓂᑕ ᓈᐟ, ᐋᐧᐸᐦᓄᑖᕽ ᐃᑌᐦᑫ ᐃᑎᐣ. 17ᐁᑯᓯ ᑫᐣ ᑭ ᑭᐢᑫᔨᒣᐤ ᐃᐧᐊᐧ; ᑭ ᐊᔮᐁᐧᐤ ᐁ ᑭ ᓂᐦᑖᐃᐧᑭᐦᐋᐟ ᒫᑲ ᐃᓇᐠ; ᑭ ᐅᓯᐦᑖᐤ ᒫᑲ ᐅᑌᓇᐤ ᐁ ᑭ ᐃᓯᔨᐦᑳᑕᕽ ᐊᓂᒪ ᐅᑌᓇᐤ ᐁᓯᔨᐦᑳᓱᔨᐟ ᐊᓂᐦᐃ ᐅᑯᓯᓴ ᐃᓇᐠ. 18ᐃᓇᐠ ᒫᑲ ᑭ ᓂᐦᑖᐃᐧᑭᑕᒪᐋᐧᐤ ᐊᐧᕒᐋᐟ; ᐊᐧᕒᐋᐟ ᑭ ᓂᐦᑖᐃᐧᑭᐦᐁᐤ ᒥᔪᒉᐁᓬ; ᒥᓇ ᒥᔪᒉᐁᓬ ᑭ ᓂᐦᑖᐃᐧᑭᐦᐁᐤ ᒥᑐᓭᐁᓬᐊ; ᒥᓇ ᒥᑐᓭᐁᓬ ᑭ ᓂᐦᑖᐃᐧᑭᐦᐁᐤ ᓬᐁᒥᐠ.
19ᓬᐁᒥᐠ ᒫᑲ ᑭ ᓂᓱᐢᑫᐧᐁᐧᐤ: ᐋᑕ ᑭ ᐃᓯᔨᐦᑳᓱᔨᐊᐧ ᐊᓂᐦᐃ ᐯᔭᐠ, ᓯᓬᐊ ᑭ ᐃᓯᔨᐦᑳᓱᔨᐊᐧ ᑯᑕᑲ. 20ᐋᑕ ᒫᑲ ᑭ ᓂᐦᑖᐃᐧᑭᐦᐁᐤ ᒉᐯᓬ; ᐃᐧᔭ ᑳ ᐅᔪᐦᑖᐃᐧᒥᑯᐟ ᐊᓂᐦᐃ ᑳ ᐅᒥᑭᐊᐧᐦᐱᔨᐟ, ᒥᓇ ᑳ ᐅᐟ ᐊᐋᐧᑳᓂᔨᐟ. 21ᒍᐸᓬ ᒫᑲ ᐃᐧᔭ ᑭ ᐃᓯᔨᐦᑳᓱᔨᐊᐧ ᐅᒋᐋᐧᒪ: ᐃᐧᔭ ᒫᑲ ᑭ ᐅᔪᐦᑖᐃᐧᒥᐠ ᑲᐦᑭᔭᐤ ᑳ ᓂᑖᑭᑐᒋᑫᔨᐟ. 22ᓯᓬᐊ ᒫᑲ, ᐃᐧᐢᑕ ᑭ ᓂᐦᑖᐃᐧᑭᐦᐁᐤ ᑐᐯᓬᑫᓇ ᑳ ᑭᐢᑭᓄᐦᐊᒫᑫᐟ ᑕᐦᑐ ᑳ ᓄᒋᑖᔨᐟ ᐅᓵᐋᐧᐱᐢᐠ ᒥᓇ ᐱᐋᐧᐱᐢᐠ; ᓀᐊᒪ ᒫᑲ ᑭ ᐅᑕᐁᐧᒫᐤ ᐊᓇ ᑐᐯᓬᑫᐣ. 23ᓬᐁᒣᐠ ᒫᑲ ᑭ ᐃᑌᐤ ᐃᐧᐊᐧ, ᐋᑕ ᒥᓇ ᓯᓬᐊ, ᓇᑐᐦᑕᐃᐧᐠ, ᑭᔭᐋᐧᐤ ᐃᐧᐊᐧ ᓬᐁᒥᐠ ᐱᓯᒋᑕᒧᐠ ᓂ ᐱᑭᐢᑫᐧᐃᐧᐣ; ᓂ ᑭ ᓂᐸᐦᐊᐤ ᐊᔨᓯᔨᓂᐤ ᐁ ᒥᓵᐧᑲᓂᑳᓯᐟ; ᐅᐢᑭᓂᑭᐤ ᐁ ᐃᐧᓴᑲᐦᐅᐟ. 24ᑭᐢᐱᐣ ᑫᐣ ᑌᐸᑯᑊ ᑕᐦᑖᐧᐤ ᐅᐦᒋ ᐅᓇᓱᐊᐧᓯᐁᐧᐦᑭ, ᑫᐦᒋᓈ ᐃᓴ ᓬᐁᒥᐠ ᑌᐸᑯᑊ ᑕᐦᑐ ᒥᑕᓇᐤ ᒥᓇ ᑌᐸᑯᑊ ᐊᑎ ᐊᔨᐋᐧᐠ.
25ᐋᑕᒼ ᒥᓇ ᑭ ᑭᐢᑫᔨᒣᐤ ᐃᐧᐊᐧ; ᐁᑯᓯ ᑭ ᓂᐦᑕᐃᐧᑭᐦᐁᐤ ᐅᑯᓯᓴ ᓭᐦᐟ ᒫᑲ ᑭ ᐃᓯᔨᐦᑳᑌᐤ: ᒋᑫᒫ ᑭ ᐃᑌᐧᐤ, ᑭᓭᒪᓂᑐ ᑯᑕᑲ ᓂ ᑭ ᐅᔭᑭᑕᒫᐠ ᐁᐱᓬᐊ ᑫ ᑕᐱᐢᑲᒪᐋᐧᐟ ᑫᐣ ᑳ ᑭ ᓂᐸᐦᐋᐟ. 26ᒥᓇ ᓭᐦᐟ ᑭ ᓂᐦᑖᐃᐧᑭᑕᒪᐋᐧᐤ ᐅᑯᓯᓴ, ᐃᓄᐢ ᒫᑲ ᑭ ᐃᓯᔨᐦᑳᑌᐤ; ᐁᑯᐢᐱ ᐊᔨᓯᔨᓂᐊᐧᐠ ᑳ ᓯᐯᐧ ᒪᐃᐧᒧᐢᑕᒫᐧᒋᐠ ᑳ ᑎᐯᔨᐦᒋᑫᐟ ᐅ ᐃᐧᔪᐃᐧᐣ.
Actualmente seleccionado:
ᒉᓂᓯᐢ 4: KKMs
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
This Bible text is a corrected edition of the 1908 Western Cree Bible; it is in the public domain.