ᒉᓂᓯᐢ 10
10
1ᐁᐊᐧᑯ ᐅᒪ ᑳ ᐊᑎ ᐋᔮᓂᐢᑫ ᐱᒫᑎᓯᔨᐟ ᐅᑯᓯᓴ ᓄᐊ, ᓭᒼ, ᐦᐋᒼ, ᒥᓇ ᒉᐱᐟ; ᐁᐊᐧᑯᓂᐠ ᒫᑲ ᒥᓇ ᑭ ᐊᑎ ᐅᑯᓯᓯᐊᐧᐠ ᑳ ᐳᓂ ᐃᐢᑭᐯᐠ.
2ᐅᑯᓯᓴ ᒉᐱᐟ; ᑳᒪᕒ ᒥᓇ ᒣᑳᐠ, ᒥᓇ ᒫᑌᐋ, ᒥᓇ ᒉᐹᐣ, ᒥᓇ ᑐᐹᓬ, ᒥᓇ ᒥᓭᐠ, ᒥᓇ ᑕᐃᕒᐊᐢ. 3ᐅᑯᓯᓴ ᒫᑲ ᑳᒪᕒ; ᐋᐢᑭᓈᐢ, ᒥᓇ ᕒᐃᐹᐟ, ᒥᓇ ᑕᑳᕒᒪ. 4ᐁᑯᓯ ᐅᑯᓯᓴ ᒉᐹᐣ; ᐃᓬᐊᐃᓴ, ᒥᓇ ᑖᕒᓯᐢ, ᒥᓇ ᑭᑎᒼ, ᒥᓇ ᑐᑖᓂᒼ. 5ᐁᐊᐧᑯᓂᐠ ᐅᑭ ᐅ ᒥᓂᐢᑎᑲᒥᐋᐧᐊᐧ ᓇᓈᑐᑯᐢᑳᐣ ᑳ ᑭ ᐸᐯᐢᑭᑎᓇᒫᑐᒋᐠ ᐅᐟ ᐊᐢᑭᐋᐧᕽ, ᑳ ᐊᔨᑕᐦᑐ ᐃᐧᒋᐱᑭᐢᑫᐧᒥᑐᒋᐠ, ᐁ ᐊᔨᑕᐦᑐᑌᐃᐧᓯᒋᐠ, ᐁ ᐃᑕᐢᑳᓀᓯᒋᐠ.
6ᐁᑯᓯ ᐅᑯᓯᓴ ᐦᐋᒼ; ᑲᐢ, ᒥᓇ ᒥᐢᕒᐁᐃᒼ, ᒥᓇ ᐸᐟ, ᒥᓇ ᑫᓇᐣ. 7ᐁᑯᓯ ᐅᑯᓯᓴ ᑲᐢ; ᓯᐸ, ᒥᓇ ᐦᐋᐱᓬᐊ, ᒥᓇ ᓵᑊᑖ, ᒥᓇ ᕒᐁᒪ, ᒥᓇ ᓵᑊᑎᑲ; ᐁᑯᓯ ᐅᑯᓯᓴ ᕒᐁᐋᒪ: ᓯᐸ, ᒥᓇ ᑎᑖᐣ. 8ᑲᐢ ᒫᑲ ᑭ ᓂᐦᑖᐃᐧᑭᐦᐁᐤ ᓂᒼᕒᐋᑕ; ᐁᐊᐧᑯ ᒫᑲ ᑭ ᐊᑎ ᑭᐦᒑᔨᐃᐧᐤ ᐊᐢᑭᕽ. 9ᑭ ᑭᐦᒋ ᐅᓇᑕᒥᓇᐦᐅᐃᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᐁᐊᐧᑯ ᐅᐦᒋ ᑳ ᐊᔨᑌᐧᕽ, ᑖᐱᐢᑯᐨ ᓂᒼᕒᐋᐟ, ᐊᓇ ᑭᐦᒋ ᐅᓇᑕᒥᓇᐦᐅ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 10ᐁ ᒫᒋᐸᔨᔨᐠ ᒫᑲ ᐅ ᑭᐦᒋ ᐅᑭᒫᐃᐧᐃᐧᐣ ᐁᐊᐧᑯ ᐯᐱᓬ, ᒥᓇ ᐃᕒᐁᐠ, ᒥᓇ ᐋᑳᐟ, ᒥᓇ ᑳᓬᓀ, ᓵᐃᓇᕒ ᐊᐢᑭᕽ. 11ᐁᑯᑕ ᐊᓂᒪ ᐊᐢᑭᕽ ᑭ ᐅᐦᒋ ᐃᑐᐦᑌᐤ ᐊᓯᕒᐃᔭᐃᕽ ᐁᑯᓯ ᑭ ᐅᓯᐦᑖᐤ ᓂᓀᐯ, ᒥᓇ ᕒᐃᐦᐋᐹᐦᐟ ᐅᑌᓇᐤ, ᒥᓇ ᑫᓬᐊ. 12ᒥᓇ ᕒᐃᓭᐣ ᑕᐢᑕᐋᐧᔨᕽ ᓂᓀᐯ ᒥᓇ ᑫᓬᐊ; ᐁᐊᐧᑯ ᑭᐦᒋ ᐅᑌᓇᐤ. 13ᐁᑯᓯ ᒥᐢᕒᐁᐃᒼ ᑭ ᓂᐦᑖᐃᐧᑭᐦᐁᐤ ᓬᐅᑎᒼ, ᒥᓇ ᐋᓇᒥᒼ, ᒥᓇ ᓬᐃᐦᐊᐱᒼ, ᒥᓇ ᓈᐦᐸᑕᐦᐃᒼ. 14ᒥᓇ ᐹᐟᕒᐊᓯᒼ, ᒥᓇ ᑳᐢᓬᐊᐦᐃᒼ, (ᐁᑯᑕ ᑳ ᑭ ᐅᐦᒋᒋᐠ ᐱᓬᐃᐢᑎᓇᐠ) ᒥᓇ ᑳᑊᑕᕒᐃᒼ.
15ᑫᓇᐣ ᒫᑲ ᑭ ᓂᐦᑖᐃᐧᑭᐦᐁᐤ ᓵᐃᑕᐣ ᐅ ᓂᐢᑕᒧᓵᓇ ᒥᓇ ᐦᐁᐟ; 16ᒥᓇ ᐊᓇ ᒉᑊᔪᓴᐃᐟ, ᒥᓇ ᐋᒪᕒᐊᐃᐟ, ᒥᓇ ᑲᕒᑲᓴᐃᐟ; 17ᒥᓇ ᐦᐊᐃᐸᐃᐟ, ᒥᓇ ᐋᕒᑲᐃᐟ, ᒥᓇ ᓵᐩᓈᐃᐟ; 18ᒥᓇ ᐊᓇ ᐋᕒᐹᑖᐃᐟ, ᒥᓇ ᐊᓇ ᓭᒪᕒᐋᐃᐟ, ᒥᓇ ᐊᓇ ᐦᐁᒫᑖᐃᐟ; ᐁᑯᓯ ᒣᐧᐢᑕᐢ ᐃᔨᑯᕽ ᐁ ᐸᐯᐢᑭᑐᑌᐃᐧᓯᐟ ᐊᓇ ᑫᓇᓇᐃᐟ ᑭ ᓯᓭᐧᐃᑐᐊᐧᐠ. 19ᓵᐃᑕᓂᕽ ᐅᐦᒋ ᑭ ᐃᐢᑯ ᐅᐟ ᐊᐢᑭᐊᐧᐠ ᐊᓂᑭ ᑫᓇᓇᐃᑕᐠ ᐁ ᐊᑎ ᐅᑎᑕᒪᐣ ᑭᕒᐊᕒ, ᑫᓴ ᐃᐢᑯ; ᐁ ᐊᑎ ᐃᑐᑎᔭᐣ ᓵᑕᒼ, ᒥᓇ ᑲᒫᕒᐊ, ᒥᓇ ᐋᐟᒪ, ᒥᓇ ᓯᐹᔨᒼ ᐃᑌᐦᑫ ᓬᐋᓴ ᐃᐢᑯ. 20ᐁᐊᐧᑯᓂ ᐅᐦᐃ ᐅᑯᓯᓴ ᐦᐋᒼ, ᐁ ᐊᑎ ᐃᑕᐦᑐᑌᐃᐧᓯᔨᐟ, ᐁ ᐋᐃᓯ ᐃᐧᒋ ᐱᑭᐢᑫᐧᒥᑐᒋᐠ, ᐅᐟ ᐊᐢᑭᐋᐧᕽ, ᐁ ᐋᐃᑕᐢᑳᓀᓯᒋᐠ.
21ᓭᒼ ᒫᑲ ᐅᑖᐃᐧᐋᐧᐊᐧ ᐊᓂᑭ ᑲᐦᑭᔭᐤ ᐅᐟ ᐊᐋᐧᓯᒥᓴ ᐃᐸᕒ, ᐅᐢᑌᓴ ᒉᐱᐟ, ᐃᐧᐢᑕ ᐊᐋᐧᓯᓴ ᑭ ᓂᐦᑖᐃᐧᑭᑕᒪᐋᐧᐤ. 22ᐅᑯᓯᓴ ᓭᒼ; ᐃᓬᐋᒼ, ᒥᓇ ᐋᓴᕒ, ᒥᓇ ᐋᕒᐹᐠᓵᐟ, ᒥᓇ ᓬᐊᐟ, ᒥᓇ ᐁᕒᐋᒼ. 23ᐁᑯᓯ ᐅᑯᓯᓴ ᐁᕒᐋᒼ; ᐊᐢ, ᒥᓇ ᐦᐊᓬ, ᒥᓇ ᑭᑕᕒ, ᒥᓇ ᒫᐢ. 24ᐁᑯᓯ ᐋᕒᐹᐠᓵᐟ ᑭ ᓂᐦᑖᐃᐧᑭᐦᐁᐤ ᓭᓬᐊ, ᒥᓇ ᓭᓬᐊ ᑭᐟ ᓂᐦᑖᐃᐧᑭᐦᐁᐤ ᐃᐸᕒ. 25ᐃᐸᕒ ᒫᑲ ᑭ ᓂᐦᑖᐃᐧᑭᑕᒫᐋᐧᐤ ᓂᓱ ᐁ ᐅᑯᓯᓯᐟ; ᐯᔭᐠ ᐊᓂᐦᐃ ᐱᓬᐁᐠ (ᐱᐢᑭᐦᑎᓂᑫᐃᐧᐣ); ᒋᑫᒫ ᒣᑳᐧᐨ ᐁ ᐅ ᑭᓯᑳᒥᐟ ᑭ ᐸᐯᐢᑭᑎᓇᒫᑐᓈᓂᐊᐧᐣ ᐊᐢᑭ; ᐁᑯᓯ ᐊᓂᐦᐃ ᐅᒋᐋᐧᒪ ᒑᐠᑖᐣ ᑭ ᐃᓯᔨᐦᑳᓱᔨᐊᐧ. 26ᒑᐠᑖᐣ ᒫᑲ ᑭ ᓂᐦᑖᐃᐧᑭᐦᐁᐤ ᐋᓬᒧᑖᐟ, ᒥᓇ ᓯᓬᐁᐦᑊ, ᒥᓇ ᐦᐁᓴᕒᒣᐱᐦᐟ, ᒥᓇ ᒋᕒᐋ. 27ᒥᓇ ᐦᐋᑐᕒᐊᒼ, ᒥᓇ ᔪᓵᓬ, ᒥᓇ ᑎᐠᓬᐊ, 28ᒥᓇ ᐋᐸᓬ, ᒥᓇ ᐊᐱᒣᐃᓬ, ᒥᓇ ᓯᐸ, 29ᒥᓇ ᐋᐦᐸᕒ, ᒥᓇ ᐦᐋᐱᓬᐊ, ᒥᓇ ᒑᐹᑊ; ᑲᐦᑭᔭᐤ ᐅᑭ ᒑᐠᑖᐣ ᐅᑯᓯᓴ. 30ᑭ ᐅᐟ ᐃᐦᑖᐃᐧᓂᐊᐧᐠ ᒫᑲ ᒥᓴ ᐅᐦᒋ ᐁ ᐊᑎ ᐃᑐᐦᑌᕽ ᓯᐹᕒ ᐃᑌᐦᑫ, ᐊᐧᒋ ᐋᐧᐸᓄᑖᕽ. 31ᐁᐊᐧᑯᓂ ᐅᐦᐃ ᐅᑯᓯᓴ ᓭᒼ ᐁ ᐋᐃᑕᐦᑐᑎᐃᐧᓯᔨᐟ, ᐁ ᐃᓯ ᐃᐧᒋᐱᑭᐢᑫᐧᒥᑐᒋᐠ, ᐅᐟ ᐊᐢᑭᐋᐧᕽ, ᐁ ᐊᐃᑕᐢᑳᓀᓯᒋᐠ.
32ᐁᐊᐧᑯᓂ ᐅᐦᐃ ᐁ ᐃᑕᑐᑌᐃᐧᓯᔨᐟ ᐅᑯᓯᓴ ᓄᐊ, ᐁ ᐃᓯ ᐋᔮᓂᐢᑫ ᐱᒫᑎᓯᒋᐠ, ᐁ ᐋᐃᑕᐢᑳᓀᓯᒋᐠ; ᐁᑯᓯ ᐁᑯᑕ ᑭ ᐅᐦᒋᐊᐧᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑳ ᑭ ᐸᐯᐢᑭᑎᓇᒫᑐᒋᐠ ᐊᐢᑭ ᒣᐧᐢᑕᐢ ᐃᔨᑯᕽ ᑳ ᑭ ᐃᐢᑭᐯᐠ.
Actualmente seleccionado:
ᒉᓂᓯᐢ 10: KKMs
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
This Bible text is a corrected edition of the 1908 Western Cree Bible; it is in the public domain.
