Versículos más leídos de la Biblia Matyu 24

Compartir

Eba amtakwalig nihe fwina kwania pugufe asa nubwel el mingnagim membegonugim yiskos siagife. Afa ambangel wasneig afwaihian ikan maia kinig awaieba asa ehe suialag gofufe.

Afa Godna bog megam suialag mo mungwali kembig sihiageafufe asa mungwali el higwagife eba ati mungwali awaiyegim opugu.”

Afa ne higife faghagig mo asa nofeka olug kinig eskofe. Afa eba asa sonaigba pugufe afa mungwali awaiye osunaba maisim.

Afa mingnag el afu mingnag elim angoluwag i hagfi afa mingnag misog elni el afu mingnag misog elni el i hagfi. Afa haig haig biteamba eba bini kwania i afa asag i puguiagefe. Mungwali enaigba ofe angwafig luwalim susugim oningis.

Of i bite i mungwali awaiyeba afa kana moamo wahkig gwesegofufe.”

Afa kaksag el ambenam kana unehlag la mwakwale afwaihena esogofe, ‘Kike Krais, God kam kanog fwahag.’ Ena mo kaksag elim mwakwalenife.

“Asa enanam nem lambinim mingnag elim lambwaigoiba sa nem kwagi aitifi. Afa ne kana el afwaihiefiba asa mungwali el nem olug kakagegonife. Kaksag el kam onigigim fwahinim afa hefum mwauiaginim afa olug kakagiagifi. Afa kaksag mo fli sihiaule mwakwale el apukenam kaksag elim gasafihiagife.

Sisas wahigi sihini og, “Numwehifibi masa el nem mwakwale gonife.

Asa neanga numwehe, Nufunam El enag osuna oblofiba ne eteti gofife.”

Asa numwehifibi mas ne anwenafig mo hag osuna nengelni Ainiyag blonigim.

“Mas amban anwenafe hag osuna sa enaigba pugufe. Godna oflanai el i afa heafena Leg mas anwenafig mo eba Alag mungu anwenafeg.

Asa mwakwale Krais, afa mwakwale Godna mo fli sihiule el ambe apukefe. Afa ambenam haig haig kigmog ogfuiag gifi afa God kanog fwatig elim gaba enaig esehiagi me.

Hosa ilawana Noa wansena gwenaig esefe maia Nufunam El oblofiba. Afa maisi bu puguia fwainig fiahfenaba enanam mungwali el hefum ahagagifini afa angwafig lambwagifini gwenaig ese afufenaba asa Noa mungu wanseaifuna sip yi ba. Afa mungwali mas anwenafini mo enaig puguiagim. Gwenaig eseafufenaba asa bufle kwania blona mungwali kalefena lambkuna. Maia Nufunam El oblofiba asa gwenaig esefe.