Versículos más leídos de la Biblia Mga Panultihon 23

Compartir

Malipay gayod ang imong ginikanan kon matarong ka ug maalamon. Ikalipay nila nga sila nahimong imong amahan ug inahan.

Ayaw hagoa ang imong kaugalingon sa labihang pagpaninguha nga maadunahan. Pagkat-on hinuon sa pagpugong sa kaugalingon ug sa paghuna-huna kon unsay ensakto.

Ug siguro gayod nga adunay maayo kang kaugmaon, ug dili mapakyas ang imong mga tinguha.

Ayaw kasina sa mga makasasala; tahora hinuon sa kanunay ang  GINOO.

Ayaw pagduha-duha sa pagdisiplina sa imong anak. Ang pagbunal dili makapatay kaniya, makaluwas pa hinuon kini kaniya gikan sa kamatayon.

Pamati kon ginatul-id ang imong pamatasan aron makakat-on ka.

Ang bahandi mawala sa usa lang ka pagpamilok, nga daw sa aduna kini pako ug molupad palayo sama sa agila.

Paminaw sa imong ginikanan nga maoy nagpakatawo kanimo ug ayaw sila bugal-bugali kon tigulang na sila.