Versículos más leídos de la Biblia Mga Panultihon 15

Compartir

Ang malumanay nga tubag makahupay sa kasuko, apan ang singhag makapaalsa sa dugo.

Ang pagtahod sa GINOO magtudlo sa tawo nga magmaalamon, ug ang pagpaubos makahatag kaniyag dungog.

Ang malumo nga mga pulong makaayo sa kinabuhi sa tawo, apan ang sakit nga mga pulong makapasakit sa dughan.

Kon dili ka maminaw ug tambag kabahin sa imong mga plano, dili ka molampos, apan kon maminaw kag daghang tambag molampos gayod kini.

Kon malipayon ang tawo, mapahiyomon siya, apan kon anaa siya sa kasubo, maminghoy ang iyang nawong.

Makita sa GINOO ang tanan, bisan asang dapita. Nagtan-aw siya sa mga binuhatan sa mga daotan ug sa mga matarong.

Mas maayo pa ang kabos nga adunay pagtahod sa GINOO kaysa adunahan nga puno sa kagubot ang kinabuhi.

Ang pagkamainiton ug ulo makasugod ug kasamok, apan ang pagkamapailubon makapaundang sa panag-away.

Ang matarong nga tawo maghuna-huna una sa dili pa siya mosulti, apan ang daotan magpataka lag sulti.