Versículos más leídos de la Biblia Mga Panultihon 10

Compartir

Maadunahan ang tawo tungod sa pagpanalangin sa GINOO, ug wala naghatag ang  GINOO ug kalisod sa iyang pagkabahandianon.

Ang tawong tabian daling makasala. Maalamon ang tawong magpugong sa iyang baba.

Ang kasilag makahaling ug kasamok, apan ang gugma makapasaylo sa tanang kasaypanan.

Ang pagkatapolan makapakabos sa tawo, apan ang pagkakugihan makapaadunahan kaniya.

Ang tawo nga mopatuo sa mga pagbadlong makaangkon ug maayo ug taas nga kinabuhi, apan ang tawo nga nagsalikway niini mahisalaag.

Ang tawong matarong layo sa kadaot, apan ang tawong daotan mabulgar ang sala.

Ang nagtahod sa GINOO taas ug kinabuhi, apan ang tawong daotan mubo rag kinabuhi.

Dili motugot ang  GINOO nga magutman ang mga matarong, apan ang mga daotan dili niya tugotan nga matuman ang ilang daotang mga pangandoy.

Kon moabot sa kinabuhi ang pagsulay nga daw sa bagyo, mapukan ang tawong daotan, apan ang tawong matarong pabiling magbarog nga lig-on.