Versículos más leídos de la Biblia SAN JUAN 2

Compartir

Jniñu yáha jéē ni sáha Jesús ini ñuu Caná ndañúū Galilea cúu jniñu jéhnu xīhna ñúhún jéē ni sáha ya jeē steén yā poder yā. Te súcuan ni steén yā jeē yóhyo cújéhnu ya. Te tēe cáscuáha jíín yá ni cacandíje de ya.

Te ni cahān Jesús jiín ña: ¿Naun cáhán ni súcuan jíín ná nánā? Chi ná tu quee quɨvɨ̄ jeē sáha ná jniñu jéhnu, áchí yá.

Te ni cahān Jesús jiín ñáyuu cájeni cohō: Scútú ndɨ́ɨ̄ rō tācá tenéjá yáha. Te ni cascútú ndɨ́ɨ̄ i. Te ni cahān yā jiín i: Vijna te quēen ró jecu te quindeca ró coto ndee tēe ndíto vico, áchí yá. Te ni cajendeca i nuū de.

Te ni cahān yatá Jesús: Canu rō templo yáha, te nuū uní quɨvɨ̄ te nucondichi sáha ri, achí yá.

Te jeē súcuan ni jito ya, te ni sáha ya ɨɨn cuarta ñɨɨ. Te ni scúnu ya tācá i ini templo, nde jiín lanchi jíín stɨ́quɨ̄ i. Te ni jete yā xūhun ñáyuu castáyɨ. Te ni scotúú yá tāca mesa i. Te ni cahān yā jiín ñáyuu cáxīcó paloma: Tava tācá quɨtɨ yáha. Te ma sáha ró yáhu ini vehe Tátá rī. Achí yá.