Versículos más leídos de la Biblia Joaancha Laenai 12

Compartir

Quere tonorana jerera, quere tonoraaine. Nii quere tonoraerate, nii cuhanune jaun niha cureein caniha. Chaaen techu, quere tonoraera, Ofa rai coroaaenacai ichareein”, nae Jesoso.

Nii rijijieein techu ne cacha netonai. Niicha jereeicha ichaa cachanete, temueraeniha ne, aiha arosone rijijieein jerichanejeein ne. Nirijieeinte, nechu jataain joaereein niha cureein. Jana cha que casilanaala Cana Coaunera jerenohi ichaa cachanete, Cana Coaunera bijiu tacaa cureein. Jana, ainihanete nitajiha cureeincha.

Niritiinte, “Esinaena rauhijiriin aitoon. Charijieein teeinti lecuhejeein temueraeniha arosone, omaroelanaala jerichanejeein ne. Jana atane choae naluhane, omarohin arajiin inacaain nefae.

Canune caa chauratane cono neeun. Canune caa chauratane que turuun, nabana nocohenaana niha quesenetaerane coataa.

Quere tonoraeniha chuneine coatiha canu colurujuerinaauni. Coatiha caa chauratane que nenacaauru colurujueranu que uhaaun. Jianacoon niha caa chauratane que nenacaauru cachaaurune coinana turuun.

Nii jana litoro cataaun uujoaain erene jujui coreti uhaain, que Cana Coaunera Calaohi Jesoso tijia rujuaain, couturiji que jacoraa Marihane jana, juujijiaain bijiihaque nii loreri asajai.

Nitohaneein coitucuhinte, elele alo saaujiin amaain que tacaa cuure. Que tacaain: “Caohacha quete uhicha canacaanu coroatajaneraanu que Cana Coaunera letono. Cachuura”, naain, “Caa Cana Coaunera letono belaihuruhine itolere cachaauru. Caa Isaraele Curuaanaa Reey belaihuruhinera”, naain, ehequiin coroajeein Jesoso raaure.

“Inae laen ecu tiha ohanune cojoinaca. Canune inaraacha cohajei cachaneein neeun. Ohanune baihate satiin curuaanaacuru curuaanaa niha caetia cureein Ofa Cana Coaunera”, nae Jesoso.