Versículos más leídos de la Biblia Lucas 18

Compartir

Eshko ga Jesús tjl̈ẽno ba oppinggaga kong l̇l̇ëbo jyãgl̈o go, epga syõshtë ber l̈öng Sbö kong ĩyado wl̈o, wosonkë l̇l̇ëm wl̈o.

¿Pjãy wotjl̈ĩk ga Sbö, ba nopga kjrara tjeng l̈i wl̈ike l̇l̇ëme l̈ëmiro? Epga syõshtë l̈ok ba kong shkë dba, wl̈ike wl̈o. ¿Pjãy wotjl̈ĩk ga dborye mal̈ing l̇l̇ëme l̈ëmiro? L̈ër bomi kong ga wl̈ike mal̈ing. ¿Gueniyo ga no to ter kjok dogo dwayo ëre tjwe kjok ëre kjing goshko ga nopga wl̈ẽn l̈öng mär bor gore?» l̈e.

«L̇l̇ëye shärye norë ga ä l̈i, e shärye Sbörë ga pjl̈úe» l̈e.

Kjok eshko ga syã shäng kjl̈ara. Tjwe tjl̈apga kjok l̇l̇gwega wl̈eniyo l̈i shwoy enido, tjl̈ẽ ga “Bor wl̈oyo, e l̇l̇gwep bor kong sira. Tja wl̈ikozong” l̈e ba kong eni enido. Kjok l̇l̇gwega sök l̈i ĩya öör ga l̇l̇gweya woydë tjl̈apga l̈irë ba kong l̇l̇ëme. Eni ga ĩya jek tjwe obi, ĩya jek tjwe obi. »Gueniyo pjl̈ara ga tjl̈apga l̈i wotjl̈ĩk ga “Tja, ëye bangkjrër l̇l̇ëm, Sbö ëmdë ga bangkjrër l̇l̇ëm bakoe. Gueniyo wal̈ë kjwe tjwe shäng bor barwë ara enido. E kjĩshko ga l̇l̇ëbo l̈i l̇l̇gwer ba kong, tja barwe ame wl̈o. L̇l̇ëm ga tjwe bor barwë jek obi, ga tja ie ber sök wl̈ẽp l̇l̇ëme” l̈e.

L̈ër bomi kong jl̈õkoyo ga ëye Sbö tjl̈õkwo kjrë kjwozirwa dik l̇l̇ëm ga äär ber sök Sbö sök no pjl̈uyo ĩyado l̈ishko l̇l̇ëme» l̈e.

Eni ga ba oppinggaga l̈i rokara Jesúsdë tek ba shwoy, ga tjl̈ẽ ba kong ga «Kjwozirga somi l̇l̇ëm, tek wẽyẽ bor shwoy. Ëye ber kjwozirga jũni ga Sbö ber ba pjl̈uyo.

Kuya ga tjl̈ẽ ba kong ga «Kjok ĩs jek obi. Pja mär bor go kuzong ga pja poptonoe» l̈e.

«¿Tja pjl̈úe l̈ëp ega? Pjl̈ú l̈i, e Sbö eröe.