Versículos más leídos de la Biblia Lucas 12

Compartir

»No to ter kjok dogo dwayo ëre tjwe l̇l̇ono miydëmi l̇l̇ëme. E kjĩshko ga pjãy ber l̈öng bor koshë, poshäryak l̈öng pjir ĩyado. Woyde ga pjãy ber l̈öng parkagaga l̈öng ba kägäyo koshë wl̈eni. Ba kägäyo l̈i jek kjok shto obl̈ë orkwosmozl̈ong dbaryo shrëk. Woyde ga ba parkagaga l̈öng ba ushko obi l̈i ber l̈öng ba koshë ĩyado, wl̈oshko iök borkek tjeng shjiy, tjwe iröng obishko ga wl̈okjre l̈ok jekdo ga pjl̈ú wl̈o. Tjwe kjok rong, l̇l̇ëm ga kjok ba shränto ëmdë ga woyde ga l̈öng ba koshë eni. Ga shronoshko ga epga wl̈ẽna l̈ok eni ga e ber ba kong l̈ok pjl̈úe. L̈ër bomi kong jl̈õkoyo ga eni ga epga ie wl̈ar l̈öng sökkl̈o go, ië wl̈o, ga dl̈i shiya, söya, twe ba kong l̈ok om go. »Tja kuzĩa. Ëye tjwe l̈ũrkë l̇l̇ono miyde u sogo l̈irë kjwe ga ëye opzrëk jek ba ushko l̇l̇ëbo l̈ũyotkë wl̈o l̇l̇ëme. Ga no to ter kjok dogo dwayo ëre tjwe dbar l̇l̇ono miydëmi l̇l̇ëm kuzong ga pjãy ber l̈öng bor koshë, poshäryak l̈öng pjir ĩyado» l̈e.

Sbö ber bomi pjl̈uyo sorë l̈i woyotjl̈ĩmi ara, l̇l̇ëbo obl̈ë obl̈ë kjinmo. Shäryëmi l̈öng eni ga l̇l̇ëbo obl̈ë woydëmi kës l̈i ber bomi kong bakoe.

Eshko ga tjl̈ẽ oba kong ga «¡Pjãy sjëke! Shji wotjl̈ĩk l̇l̇ëbo töng bayo ara wl̈o l̇l̇ëme. Shji wopjl̈ú l̈aga bi l̇l̇ëbo tjeng ara l̈irë l̇l̇ëme» l̈e.

Bomi l̇l̇ëbo tjwl̈õ ara l̈i töng tjeng kjone ga pjãy wotjl̈ĩk eshko bakoe.

¿Pjãy woydë ara ga l̇l̇ëye shimi e goro? Bomi l̈u iëmi om go dbar kjwara obi ga äe.

E irgo ga Jesús tjl̈ẽ ba oppinggaga kong ga «L̈ër bomi kong ga shji woydë l̇l̇ëme. Shji woydë dl̈i kjĩy l̇l̇ëm, shwong kjĩy l̇l̇ëm bakoe.

Pjãyda tjwl̈õ ara, sënwa ara kjinmo. Bomi käkzong pjl̈obi shtara Sbörë pjir tjän. E kjĩshko ga l̇l̇ëye bangkjrëmi l̇l̇ëme.

»Pjãy bor öng wl̈ẽp ushko so wl̈eni. Pjãy ara l̇l̇ëm, gueniyo woyde Sbörë ga pjãy ber l̈öng no ichagaga ba tjok, sök no pjl̈uyo ĩyado l̈ishko. E kjĩshko ga l̇l̇ëye bangkjrëmi l̇l̇ëme.

Sënwa so ëp uaga kjoyo l̈i woyotjl̈ĩzĩa. Dwl̈a dgue l̇l̇ëm, bo kjre l̇l̇ëm, jneya ba jnekkl̈o uyo roy l̇l̇ëm bakoe. Gueniyo së̃ya Sbörë. ¡Pjãyda tjwl̈õ ara, sënwa kjinmo!

»E kjĩshko ga shji woydë l̇l̇ëme. Shji woydë dl̈i kjĩy l̇l̇ëm, di kjĩy l̇l̇ëm bakoe.

Kjl̈o sho l̇l̇ë doye Sbörë eni, eeri ga l̈ok pjl̈ú, bong ga sukoba gueniyo. ¿Pjãy doye e kjinmo anmoyõ l̇l̇ëmdo? ¿Pjãy mär Sbö go jl̈õkoyo l̇l̇ëm ega?

L̇l̇ëbo shäryak l̈ũtshko kës l̈i wen wẽl̈ëshko. L̇l̇ëbo jnek kës l̈i wl̈ẽkoba pjire.