Versículos más leídos de la Biblia ROMA 5

Compartir

Ia na Kalou sa vakaraitaka vei keda na levu ni nona lomani keda; ka ni da se bula voli ga ena i valavala ca, a sa mai mate oti na Karisito ena vukuda!

Io na i nuinui oqo sa sega ni vakamadualaki keda, ka ni sa sovaraka mai na Kalou na nona loloma ki yaloda ena cakacaka ni Yalo Tabu, ka sa nona i solisoli na Kalou kivei keda.

Ia e sega ni koya walega oya, me da cibitaka talega na draki ni bula dredre eso eda dau sota kaya, baleta ni da sa kila ni veika rarawa sa vakavuna na dauvosota, na dauvosota sa vakavuna na i valavala sa vakadonui, kei na i valavala sa vakadonui sa vakavuna na i nuinui.

Ni sa vakadonui keda vakaoqo na Kalou ena vuku ni vakabauta, eda sa qai veivinakati vata kei na Kalou ena vuku i Jisu Karisito na noda Turaga. Sa kauti keda mai o koya ena vakabauta me da curuma yani kina na lolomasavu ni Kalou, eda sa bula tu kina oqo. Ena ka oqo, eda sa cibitaka kina na i nuinui sa tu vei keda ni da sa vakaivotavota ena lagilagi ni Kalou!

Ena gauna eda se malumalumu tu kina, sa mai mate oti na Karisito ena vukuda na tamata i valavala ca ena gauna sa lokuca na Kalou.

Eda sa qai vakadonui mai vua na Kalou ena vuku ni nona dra; ena qai vakaevei na kena levu cake sara na nona vakabulai keda o koya mai na cudru ni Kalou!

Me vaka talega na nodra sa okati me ra i valavala ca na tamata ena vuku ni valavala ca ni dua ga na tamata, ena vakakina na nodra vakadonui talega ena vuku ni talairawarawa ni dua ga na tamata.

Ia e sega ni o koya walega o ya; eda sa vakavinavinaka tiko vua na Kalou ena vuku ni noda Turaga ko Jisu Karisito, o koya sa mai yaco kina me da veivinakati kei na Kalou.