Versículos más leídos de la Biblia ROMA 14

Compartir

Ni sa sega ni ka-ni-kana se gunu na matanitu ni Kalou, ia sa ka ga ni yalododonu, kei na vakacegu, vata kei na reki ena Yalo Tabu. Ia ni ra sa qaravi Karisito vakaoqo na tamata, era sa vakalomavinakataka na Kalou ka ra sa vinakati talega mai vei ira na veiwekani.

Kevaka eda sa bula, eda sa bula ga ena vuku ni Turaga; ia kevaka eda sa mate, eda sa mate ga ena vuku ni Turaga. Se da bula se da mate, eda sa nona tikoga na Turaga.

Sa dodonu kina me da sasagataka tikoga na veika e kauta mai na tiko vakacegu kei na veivakaukauwataki.

O koya oqo, me da sa muduka kina na noda veivakalewai tiko. Ia mo ni qarauna ga mo ni kakua ni cakava e dua na ka me la'ki tarabe se bale kina na wekamuni ki na i valavala ca.

Ni sa kaya na i Vola Tabu, “Me vaka ni'u sa bula tiko, sa kaya na Turaga, Ena tekiduru e mataqu na tamata kecega, Ka ra na vakatusa ni'u sa Kalou oi au.” Ena ka oqo, eda na dui vakamacalataka kina vua na Kalou na veika kece me baleta na noda dui bula yadua.

Ni ciqomi ira ka sa malumalumu na nodra vakabauta, ia mo ni kakua ga ni veileti vata kaya ena vuku ni nodra rai se vakasama.

O cei o iko mo lewa na nona tamata e dua tani tale? Na nona turaga ga e rawa ni kaya se sa rawata tiko na nona i tavi se segai. Ia ena rawa ni rawata me vaka o ya o koya na nona i tavi, baleta ni sa rawa vua na Turaga me solia vua na kena kaukauwa.