Versículos más leídos de la Biblia KALATIA 5

Compartir

Ia na vua ni Yalo Tabu na loloma, na reki, na vakacegu, na vosota vakadede, na cakacaka loloma, na yalovinaka, na yalodina na yalomalumalumu, na lewai koya rawa vakai koya. E sega na lawa me vakacalai kina na veika oqo.

Ia, me'u kaya, ni laiva na Yalo Tabu me liutaka na nomuni bula; o ni na sega kina ni vakayacora na gagadre ca ni tovo vakayago.

Ia kevaka sa bula e yaloda na Yalo Tabu, me liutaki keda tikoga na Yalo Tabu.

O ira sa nei Karisito era sa vakota ki na kauveilatai na i tovo vakayago kei na kena veidodomo ca, kei na kena veigagadre ca kecega.

Ia sa macala votu tu ga na cakacaka ni tovo vakayago: na dauveibutakoci, na i vakarau vakasisila, na i valavala velavela, na dausoro ki na matakau, na daucakaisausau, na dauveicati, na dauveileti, na dauveiqati ca, na daucudrucudru, na dauqara ga na ka me nona, na veisei kei na veitovaki vakailawalawa, na dauvuvu, na daumateni, na daumarau vakalialia, kei na veika vaka o ya. Au via vakasalataki kemuni me vaka au a sa vakasalataki kemuni kina e liu, ni ra na sega ni curu ki na matanitu ni Kalou o ira era dau cakava na veika oqori.

O ni a sa kacivi, na wekaqu, mo ni galala, mo ni qai kakua ni vakayagataka na nomuni galala me lewai kemuni kina na nomuni gagadre vakayago, ia mo ni veivukei tikoga ena loloma.

Ni sa dau veivala na gagadre ni tovo vakayago kei na Yalo Tabu, ka sa dau veivala na Yalo Tabu kei na i tovo vakayago, ni rau sa veimecaki oi rau oqo, o ni na sega kina ni dau cakava rawa na ka o ni vinakata dina.

Ni sai soqoni ni Lawa taucoko e duabau ga na i vakaro, “Mo lomana na kai nomu me vakataki iko.”

Me da kakua ni gadreva me da dokai walega, se veivakacudrui se veivuvutaki.

Sa vagalalataki keda na Karisito me da sa galala vakadua. Mo ni tu dei sara kina, ka kakua ni soli kemuni tale mo ni bobula.