Versículos más leídos de la Biblia Joni 12

Compartir

Kevaka sa via qaravi au e dua na tamata, me muri au; ka me na tiko talega o koya ena vanua au sa tiko kina. Kevaka sa qaravi au e dua na tamata, ena vakalagilagi koya o Tamaqu.”

O koya sa lomana na nona bula, ena vakayalia; ia o koya sa cata na nona bula e vuravura oqo, ena maroroya ki na bula tawamudu.

Au sa tukuna vakadodonu sara vei kemudrau, kevaka ena sega ni mate na vua ni sila ni sa lutu ki na qele, ena tiko duadua ga; ia kevaka sa mate, ena vua vakalevu.

Au sa lako mai ki vuravura me'u mai kena rarama, me kakua kina ni tiko ena butobuto o koya yadua sa vakabauti au.

Ia kevaka sa rogoca na noqu vosa e dua na tamata ka sega ni vakabauta, au na sega ni cudruvi koya, ni'u a sega ni lako mai me'u vakarusai vuravura, ia me'u vakabulai vuravura ga.

Sa qai taura mai o Maria e veimama na lita na waiwai talei sara sa caka mai na narita dina, ka lumuta kina na yava i Jisu, ka quata na yavana ena drauniuluna; a sa curuma na loma ni vale taucoko na i boi kamica ni waiwai.

Era sa qai taura na drau ni niusawa ka la'ki tavaki koya, ka ra kacivaka, “Me vakalagilagi na Kalou! Sa vakalougatataka na Kalou na tamata sa lako mai ena yaca ni Turaga! Sa vakalougatataka na Kalou na nodra Tui na Isireli!”

Sa qai kaya vei rau o Jisu, “Sa qai yaco mai na gauna me vakalagilagi kina na Luve ni Tamata.