Versículos más leídos de la Biblia Zaŋ 14

Compartir

«Yi pulukum di i zuy, i ra vulukum zuy ɗu. Y'anta i vulukum di kaɓa ngi duniya mavula na ta. Anja didak a muɗukum ta, ki zluwunam ta.

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Yesu a ɓa mizli ngi seˀeheye: «Anja didak a muɗukum ta. Tuɓaka Buymisemuŋ, yo tiɓikiy ya aya.

Mijiniˀis, ˀUf Mipal, Baha masa slinukum di ti slimiɗ ɗu na, a sa dubunukum gwataya pay, yo ɓi ya muɓukum di gar na, a sa so keŋ ar wuluk kumo.

«Ɓimuɗuva ɗuwoyo, mbur maja taŋ a hirnga, yo masipa taŋ na, naɓa i mbur muwuɗ ɗu. Mbur muwuɗ ɗu vuna, Baha a sa wuɗaŋ, yo ya kwana, yi sa wuɗaŋ, yi sa bigaŋ vu.»

Yo yi sa tumbulo Baha ɓa a vulukum Mijiniˀis mekelem masa ndir caˀa ati kum. Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ko mike gar, kum misa cufuɗam le ti slimiɗ ɗu na, i sa gaŋ, ɓa Cine a lum gi dudok tisi naŋ mujum ati Mangala. Da ki ra cufuɗam gwat avu ya ti slimiɗ ɗu na, i sa gaŋ.

«Da ki ra wuɗikiy na, naɓa ɓimuɗuva ɗuwoyo, kisa jaka taŋ a hirnga.

Li ada haɗa a hay Baha, ya muɓukum: ‹I ra ru nga ɗiyukum li kum masa ndiram ara› na, vurˀeŋ.

Da yi ru le a ɗiyukum li na, i sa mawa, yisa hulukum a haŋ, hã kisa ndiram angi li ya misi anga na ya.

Tomas a ɓaŋ: «Buy, i sinaka li ka maru ng'ara vuna ta, i sa sinaka jiviɗ naŋ gu mbri mbrike?»