Versículos más leídos de la Biblia Gén 39

Compartir

Mat Dios iyej t'at p'ante José wet wuj tä tach'otepej m'ak tä iwoye. Wet ihi t'at lewuk lew'et

Wet tä Potifar yachaje nilhok lakäywet José yämthilek t'uye, wet lham nemhit yen lhakliya m'ak chik häpe. Mat letamsek ihi t'at, tajlhama chik nichäte lewhäy chik t'ek, t'ek t'at. José häpe mamse tä wuj tä isilataj

wet ne'tek lham t'at tä t'uye hin'ol iyhäj tä õhp'ohiche, wet itetshan n'ochumtes tä ihi tä õyenlhi.

Wet ne'tek õ'tsoklhi wet õ'thatho n'op'onthi tä hin'ol tä niyat hip'ohiche ihi. Matkat tä José ihi n'op'onthi, Lhawuk ilehiyejt'a tä iyej t'at, wet itiyej lep'altsenyaj wet takäpfwaye. Wet n'op'onthiwo tä lhamya wuj tä ihumin José

wet tä paj p'ante lewuk Potifar lech'efwa ihumin, wet tahuyej wet yok: –¡Mäh, n'aho'pe omäwet! Mat José iwohiyet'a, nichulho atsinha wet yok: –Tetshan, owuk hiw'en n'oho nilhok m'ak tä iyej wet olham t'at tä otetshan wet ot'uye. Tä mälhyejtso, lham nemhit wo m'ak chik yen lhakliya tä ihi lew'et. Ihichet'a elh chik itetshan owuk lew'etna, ts'ilak olham. Wet niwohit m'ak chik owuk n'äyej n'oho, tajlhama am tä otetshanhit'a tsi ahäpe lech'efwa. Tä mälhyejtso, ¿chip iwoyek owoye m'ak tä lhäy'e lhip tä ni'isa wet ottayhlä Dios?

Mat fwala elh p'ante José tiyäjchufwi lewuk wukwe yämthilek yenlhi lechumet. Wet tä newache elh chik iyej tä ichufwi hup, Potifar lech'efwa itsoklhi wet yok: –¡Lhuu, n'aho'pe omäwet! Mat José inu alhoho wet inuphä tä ichufwi hup, wet lew'uy imälhehi atsinha kweyey.