Versículos más leídos de la Biblia Gén 32

Compartir

Wet hin'otso yok: –Tälhe athana nemla ey Jacob, mat nech'e eyla Israel. Tsi letäkleyej Dios lhäy'e hin'ol wet lekalhi t'at.

Wet hin'otso tahuyej wet yok: –Le n'oyej, ifwala t'at. Mat Jacob yok: –Chik kaw'ena n'oho akäpfwayaj tä is, olehit'a amej.

Wet lham imälhehi ayej lakasthawet tä ts'ilak lhamej. Wet iche hin'o tä ihoye wet täkleyejlhi yäk ifwala n'änlä.

Wet Jacob yen lheya lhiptso Penuel tä yok, Dios Te'pe. Tsi Jacob yok: –Ow'en Dios tate'pe, mat kamaj oläy.

Wet tä hin'otso hiw'en tä nikalhahi, wet y'ajej takwey lewej lhile, wet tä Jacob täkleyejlhi, lewej lhile inutshi.

Hin'otso tay'ätshane Jacob wet yok: –¿Chiwoye ey? Jacob nichulho wet yok: –Olhey Jacob.

Wet Jacob äp yok: –Athana häte am fwel n'oho, ¿chiwoye ey? Mat hin'otso nichulho Jacob wet yok: –¿Chipte tä let'uhläk lehanej olhey? Wet nech'e hin'otso takäpfwayeje m'ak tä is.

Mat ot'uhawethiyejt'a tä lewoyej n'oye hap'altsenyaj lhäy'e tä kaleya n'oyej. Tä olham oyisthohte tewok Jordánna, niwohihtet m'ak chik ochäj, tajlhamat otsut. Mat athana wuj m'ak tä ow'en.

Wet häp tä tamenej tä Israel lhayis yäk häp ifwalasna lhamel tufwit'a itshäwet lheche t'isan pes tä ihi lewej lhile. Tsi Jacob häp p'ante tä Dios y'aj lhiptso.

Tä ileyej tä iwaklhat täjtso, nech'e iwo let'alhyaja wet yok: –Iwuk tä ochäti Abraham laka Dios wet ojcha Isaac laka Dios, tä am lene'tek otpile oka honhat lhäy'e wichi tä häpehen oiyhäj, wet äp lefwel n'oho tä le'isyenlan'o alhoho.

Olhaip'altsen ame, ¡fwayhat n'oyej ochila Esaú! Onowayek ilänn'o wet itan'iset n'oyej ow'et lheley.