Versículos más leídos de la Biblia Gén 3

Compartir

Wet tä atsinha hiw'en tä lhäy'e lhip tä isilataj lhay häp hal'ätso, wet lechuyajek tufw, wet äp t'uhläk letäfwnhayaj ihi, wet ilanhi elh lhay wet tufw. Wet äp hiw'enho lech'efwa wet häte lham tufw.

Amlhätaj lhäy'e lhip tä akantsaj, inu'pe itshätäy iyhäj tä Lhawuk Dios lhenhay. Wet lham tay'ätshane atsinha wet yok: –¿Hä matche tä Dios n'äyej amho lhay nilhokej hal'äy tä ihi yachuyajw'et?

Oyenla atayhfwaya atsinha wet lham atsinha ayenla letayhfwaya, häte iwoye ales lhäy'e atsinha leles. Atsinha leles hip'ajthihila etek wet am lhokwajila lesät.

Wet nech'e Lhawuk Dios tahuyej atsinha wet yok: –Oy'isiyeja lhip ateläythayajay chik lewo alesa, wet lhäy'ehila lhip chik äytaj. Mat tej chik mälhyejtso, mat hin'o leyi aitonhiyela hach'efwa wet lhayenla awukwa.

Chufw ailänla wet nech'ehilak lew'en äk, pajla'tha lhäpnho t'at honhatnaj letälho tä oayenlhi. Tsi ahonhat t'at wet lewelanla honhata.

Wet nech'e tahuyej hin'o wet yok: –Tä lewoye lhämet hach'efwa wet letufw hal'ä lhaynaj oyok, “Yej letufwa”, athana letamenej honhat tä lewit'äyhyaj ihi t'at. Nilhokej ifwalas tä leläy, äytajila achumet häpkhilek iche m'ak chik letufw.

Dios tay'ätshane wet yok: –¿Atsi tä ifwel amho tä ats'ilakche? ¿Hä letufw hal'ä lhaynaj on'äyej amho tä oyok, “Yej letufwa”?

Wet nech'e itihi m'ayhay tä lhafwis ihi häp yachuyajw'et lhip tä tumej hichä, lhäy'e n'ofwajnhat tä lak'e tä ilunhi t'at honhattso, yämthilek nehit katsik nichäte hal'ä tä n'ow'atshancheyaj tä ihi.

Wet Adán yen lheya Eva häp lech'efwa, tsi nilhokej wichi lako t'at.