Versículos más leídos de la Biblia Éx 32

Compartir

Wet tä Israel lhayis hiw'en tä pajlä Moisés chik inuhchä tä i'pe chenaj, lhamel lhaihute häp Aarón wet tahuyej wet yok: –Lhek enlhi n'amhohen dios lhayis yämthilek y'en lhahäneka. Tsi häp Moisés tä n'aitonphä tä y'atälho honhat tä Egipto, y'ahanhiyejt'a m'ak tä lewit'äyhyaj.

Wet nech'e Lhawuk tahuyej Moisés wet yok: –¡Mäh nuhchä! Aka wichinaj letonphä tä ihi honhat tä Egipto, nemhit is lhamel. Yofwajkwet lhamel ileyej m'ak tä one'tek lhamel iwoye. Lhamel itulelh oro wet yenlhi w'asetaj. Wet lhamel n'okwiyej wet iwo t'awayhtesa wet yok, “¡Israel, häp täja aka dios tä itonphänaj amel tä lhehi honhat tä Egipto!”

Wet Aarón yenhoplhi altar häp w'asetaj tä oro. Wet ifwitsenej tä yok: –¡Chik fwala n'awola lhakäjyaja tä y'awunit häp Lhawuk! Wet tä ifwala tä nech'e fwala, lhamel nechephä wet ilänhen itshätäy tä iwunhomche, lhäy'e m'ayhay tä yen t'awayhata tä yachaje häp lecheyä häpkhilek lha'isyene. Tä lhamel ileyej, wet tatachephä wet t'ekhen, lhäy'e tä iyä, wet äp takatinwethä.

Tä ifwala elh Moisés tahuyej wichi wet yok: –Wuj m'ak tä ni'isa tä amel lewoye. Athana oyachajo tä ohoye Lhawuk, elat tach'ahu n'oye p'iya wet itäyhat amejen hach'isukyajay.