Versículos más leídos de la Biblia Rooma 3

Compartir

achaan kulla l-naas aznabo wa be da, ma yagdaro yalhago majd Allah. Laakin Allah yisawwi kulla l-naas saalihiin be l-niʼma al-yantiiha leehum bala taman, be Isa al-Masiih al-fadaahum min zunuubhum.

Allah yajʼal al-naas saalihiin giddaamah be l-iimaan be Isa al-Masiih. Wa yisawwi nafs al-cheyy le kulla l-naas al-yiʼaamunu. Kulla l-naas sawa sawa

Allah gaddam al-Masiih misil dahiiye achaan dammah yamha zunuub al-naas al-yiʼaamunu beyah. Wa be misil da, Allah wassaf kadar hu daayman aadil. Fi l-zaman al-faat, Allah ma haasab al-muznibiin be sabab sabrah al-aziim. Wa fi l-zaman al-haali, hu wassaf be l-dahiiye di kadar hu aadil. Aywa, hu aadil wa ayyi naadum al-yiʼaamin be Isa, hu yisawwiih saalih.

Achaan ma fi insaan yabga saalih giddaam Allah be tabbigiin churuut al-Tawraat. Be l-aks, al-churuut gaaʼidiin achaan beehum al-zanib yinʼarif.

Wa l-Kitaab buguul : <Ma fi naadum saalih wa la waahid. Ma fi naadum waahid aagil wa ma fi naadum waahid yifattich Allah. Kulluhum sawa baʼʼado wa waddaro, ma fi naadum al-yisawwi al-kheer wa la waahid.>

Khalaas nuguulu be kalaam saabit kadar naadum yabga saalih giddaam Allah be sabab iimaanah bas wa ma be tabbigiin churuut al-Tawraat.

La, abadan. Kan kulla l-naas kaddaabiin kula, Allah yuguul daayman al-hagg. Achaan da, al-Kitaab buguul : <Ya Allah, inta saadikh wakit tikallim wa tinnasir wakit tihaakim.>