Versículos más leídos de la Biblia Aʼmaal al-Rusul 1

Compartir

Wa laakin wakit al-Ruuh al-Khudduus yanzil foogku, talgo gudra achaan tachhado leyi fi Madiinat al-Khudus wa fi kulla daar al-Yahuudiiya wa fi daar al-Saamira wa lahaddi aakhir al-ard.»

Wa Isa radda leehum wa gaal : «Abuuku Allah bas nazzam al-awkaat be sultitah wa ma antaaku izin achaan taʼarfuuhum.

Wa wakit hu gaaʼid maʼaahum hu gaal : «Ma tamurgu min Madiinat al-Khudus. Arjo lahaddi abuuku Allah yantiiku al-baraka al-hu waaʼadaaku beeha wa ana zaati ooreetku beeha. Yahya khattas al-naas fi l-almi wa laakin baʼad ayyaam bas, Allah yikhattisku be l-Ruuh al-Khudduus.»

Baʼad mootah, Isa sabbat leehum be dalaayil katiiriin kadar hu hayy. Wa gaaʼid yibiin leehum fi muddit arbaʼiin yoom wa yikallim leehum be mamlakat Allah.

Wa baʼad Isa gaal al-kalaam da, anrafaʼ fi l-sama wa humman chaayfiin Isa taaliʼ wa sahaab daaragah minhum.

Wa wakit humman gaaʼidiin yisanguʼu foog fi l-sama wa Isa maachi minhum, rujaal itneen khulgaanhum buyud baano jambuhum wa gaalo : «Ya rujaal daar al-Jaliil, maalku intu waagfiin tisanguʼu foog fi l-sama ? Chiftu Isa taaliʼ minku wa faat fi l-sama. Wa be nafs al-tariiga di, hu yigabbil min al-sama fi l-ard !»