Versículos más leídos de la Biblia Lc 16

Compartir

A eb' tojl tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', tojl 'oj yutcn̈ej sb'a eb' yet'oc. Ax eb' man̈ tojloc tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', man̈ tojloc 'oj yutc pax sb'a eb' yet'oc.

May junc mach tztac' ya'n servil chawn̈oc spatron̈. Yujto 'ay jun 'oj schacli, ax jun 'oj schamc'ojloc. 'Ay jun 'aj 'oj ya'ch snab'en, ax jun may jac yel'ch 'a sat. Yuj cha, matz tac' eya'n servil Dios, tzeya'n pax 'och e nab'en 'a e ricoal, xchi Jesús 'a eb'.

Yuj cha, toto man̈ tojloc tzeyutj e b'a yet' jun ricoal yic yolyib'n̈q'uinl tic, ¿tom 'oj 'ajxc jun caw ricoal 'ayex? An̈jtona', toto man̈ tojloc tzeyutj e b'a yet' jun tzo'n̈ tas man̈ eyico'oc, ¿tom 'oj 'ajxc jun tzo'n̈ tas caw eyic 'ayex?

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.