Versículos más leídos de la Biblia Mateo 9

Compartir

Qana'chi 'enapegalo saua' lapaxaguenataqa, 'enaaco': —'Eesa da' ỹátaqta jalcote jan' jala na' nañiisec da' qaidi qonaqat, qaláxasa jen'me 'onataxanaxaicpi 'me sa léca. Chan'eesa 'ami 'aviỹáxañiỹot qomle jiñi'me lalémaxaset jen' nañiisec, qaidi jiñi'me namaq jega'me 'onataxanaxaicpi da' naqat jan' jala jen' nañiisec.

'Aucolóliita qomle, qana'chi 'anapaxaguiñíỹa ga' náỹi naua' nidii's l'aqtaqa ñi' Dios 'me 'eet'oi: “Jaỹim sétaaque da' 'ami 'avichoxodénataxañii. Sa 'te da' na'chida da' 'auañiiuo da' qoỹigóoue ga' síiỹac da' 'adasaqásiqui.” Qá'a jaỹim sa 'te da' ñanac da' siỹáxataaque ga' 'ónaxaic da' lasoxoc, na'chínata jen'me 'itaxalóxoicpi, da' qaidi ỹaxadíñi naua' loico.

Joca'li ỹiláaue so' siỹaxadipi, qana'chi ỹátaqta 'uo da' lichoxodénataxanaxac. Qá'a na' siỹaxadipi ỹátaqta daquico qataxa qaỹa ga' l'añaxac, 'ená'am jana' n'aanaxate 'me qaỹa ga' nouatoqo't.

Qana'chi so' Jesús joca'li demachíỹa dójo', qana'chi 'enaaco': —Sa 'te da' ỹiuen ga' tadénataxanaxaic ga' qaỹa 'te 'uo qataxa ga' ỹiméegue, na'chínata jen'me ỹilhuaacpi.

So' Jesús coleetapeelégue ỹima so' noicpi qataxa jen' noicpiolec da' dapaxaguenataxáatapegooue so' lemáxaqui na' judiopi, ỹ'axátetac jeda'me 'ónaxaic qadipí'ic 'me náỹi da' ỹilo'ogue ỹima ñi' Dios, qataxa natadéetac ỹima jen' ỹodapecachi leleuaxa qataxa da' laỹaliaxa na' siỹaxadipi.