Versículos más leídos de la Biblia Yowaane 1

Compartir

Ne abamusangaalira baahena baamutaamo owesige, gaabafuula baana ba Hatonda.

Mu hutandiha ko batonde ehyalo, oyo oyu balanga baati Hibono gaaliŋo. Hibono ngʼaba ni Hatonda era nʼali nʼowa Hatonda owijuufu.

Enjase eyo eraga abaatu ehi Hatonda ali nʼehi genda bahole aye sibamutegeera.

Hibono gahena gafuuha muutu era gamenya ŋalala ni neefe mu hyalo muno. Efe hwabonaho eŋono lirye eri ali ni nalyo, eŋono eri Hatonda gatwiha Omwana wuwe omulala wogobbo oyo oyu Semwana gatuma ohuŋwa mwigulu gaaja ni gejuuye amazima nʼehisasabirisi ehyʼamaani.

Hatonda gatonda hiisi hiitu nʼatambisa Hibono oyo era aŋa ataali eŋuma ehi gatonda. Hibono gaali njʼesimuho yʼobulamu era njʼenjase eyimulihira abaatu.

Oludaalo olwalondaho, nga Yowaane abona Yesu nʼatiina eyi gaali, ngʼalomera abaaliŋo ati, “Mubone ali mu hifo hyʼEtaama Etusaŋo Ebibi byʼabaatu.

Hibono gaaja hu hyalo huno era wayire Hatonda njʼoyu gahozesa ohutonda hiisi hiitu, abaatu sibamufugiirira. Gaaja mu hyalo hihye aye abaatu babe abeene nʼabeene sibamusangaalira.

Oyo owaali ni gaaja hu hyalo huno, njʼenjase etuufu emulihira hiisi muutu.

Hiri hiityo olwohuba Hatonda gatuŋa amagambi nʼabita mu Musa aye husuna ehisasabirisi nʼamazima agaŋamba hu Hatonda ohubita mu Yesu Kurisito.