Versículos más leídos de la Biblia San Juan 5

Compartir

“Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

Jesús ja̧u̧ ö̧ra̧'a̧ tomenä, ja̧'hua̧nö̧ recuo na̧huä̧chi̧nö̧ huo̧jui̧nö̧do. Ja̧u̧ru̧ jä'epinödo: —¿Aditö chicuacu pä'öjä tä̧ji̧?

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a. Ja̧'hua̧nö̧ ja̧'a̧nä̧ ucutumä ttörö cuesetätucua pä'ocotöjä, ja̧u̧ kä̧cuä̧huä̧ i'co cu̧ju̧nä̧rä̧tu̧cua̧ pä'ö.

Ja̧'hua̧ ja̧'a̧ttö̧ ja̧u̧ru̧ pä'inödo Jesús: —Ä̧rä̧mi̧'i̧. Cu̧rä̧sa̧mä̧ ȩmi̧pö̧ täi. Yotäcu Jesús ja̧'hua̧nö̧ päomenä, ja̧u̧ ubomä adiu päi'inäcudo. Ö̧rä̧sa̧ ȩmi̧pö̧ cue'ächinödo. Ja̧'hua̧nö̧ 'cuäopomenä, ttö̧ja̧ 'cuättächi'ö mo̧ro̧ ji̧na̧'a̧do.

Ja̧'hua̧ ja̧'a̧ttö̧ Jesús pä'inödo jahuätörö: —Iso päi'önä pä'ösä ucuturu, Dios I̧tti̧ chutä amönä amöcuädömä, yoröiso jȩpo̧cö̧. Chutä Jä'o jȩö̧ tomenä, ja̧u̧ juäi jȩpö̧ chu'inä. O'ca juiyönä Jä'o jȩö̧mä̧, I̧tti̧'i̧nä̧ ja̧'hua̧ta̧nö̧ jȩpö̧.