Versículos más leídos de la Biblia San Juan 2

Compartir

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

Ja̧'hua̧nö̧ ja̧'a̧nä̧ Jesús ädätinödo: —Isaju, ja̧'hua̧nö̧mä̧, ¿dä̧bö̧ päcuhuättö ttörö? Chaditähuä ji̧nä̧ jo̧mȩ päi'oca'a.

Isode ru̧hua̧ umöhuäyotörö pä'inödo Jesús: —Ja̧u̧ 'cä̧nä̧ri̧yu̧ o'ca juiyönä su̧'pȩnö̧ 'carätucui. Hueö ta'anö su̧'pȩnö̧ 'carinätödo. Ja̧u̧nu̧ o'ca'a Jesús pä'inödo jahuätörö: —Jitämä ji̧'qui̧cha̧nö̧tä̧ huä'opo'ö, fiesta ru̧hua̧rö̧ iyätucui. Päji ta'anö jȩpi̧nä̧tö̧do.

Jesús ädätinödo: —Pode Diosrö ucuocuäcuähuode cuä'epö cuicuätucuttumä, ttömä huäbodäcuä mo̧ro̧ päi'omenä jareode cha̧di̧tä̧cua̧sä̧.

Ja̧'hua̧nö̧ tomenä, i̧sä̧'chu̧ aditäji'ca̧, jahuätörö ttä̧ji̧mö̧ o̧vȩja̧stö̧cu̧, pä̧cä̧yö̧cu̧ dochäu icuinödo Diosrö ucuocuäcuähuodettö. Pärätä pärohuätö ttöäre pärätä rȩjȩ dochäu icuinödo. Ttöäre mesa isodä'inä ä̧ppä̧tö̧ icuinödo. U̧nu̧cu̧tu̧ru̧ iyätörö pä'inödo: —Podettö rä'epö icuätucui. Chä'o ojusodemä koro jua̧'a̧ iyähuode päi'önä jȩcu̧'ä̧tu̧cuä̧'.