Versículos más leídos de la Biblia San Mateo 5

Compartir

Ra̧pa̧ra̧ rȩdȩti̧'ü̧'kotümä̧ i̧so̧ka̧ dȩa̧'a̧mä̧ kku̧nä̧wo̧kü̧; pärokua'aku ju'tojutä kku̧nä̧wä̧ isodenä̧ kka̧kuä̧tü̧ ttü̧ja̧ o'katoi'ünä̧rü̧ kkä̧dȩpa̧ pä'ü. Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

Ukutumä̧ pi̧jä̧nä̧ttü̧ tȩya̧u̧ wotüjä̧. Mü̧ä̧'ka wä̧mȩ wȩjü̧ ütawiyämä̧ dajäwomȩ juiyü.

Eseäkuäwä kka̧'a̧ tta̧mi̧ iso'kinä̧ surojü jui'ätürü, jua'amä̧ Dio-rü tottäkuotümä̧ juätütä ja̧'a̧ttü̧.

Eseäkuäwä kka̧'a̧ adiwomȩnä̧ jȩä̧kuä̧wä̧ rekuä rü̧jä̧u̧ru̧, jua'amä̧ jo̧mȩnü̧tä̧ ttü̧'o̧kui̧'ä̧kua̧'a̧ttü̧.

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

«Eseäkuäwä kka̧'a̧ rowäwäkuäwä juiyünä̧ aditätürü, jua'amä̧ Dio i̧tti̧mü̧ pä'ü ottäkuä̧u̧ ja̧'a̧ttü̧.»

Eseäkuäwä kka̧'a̧ usurä ȩmä̧wä̧tü̧rü̧, jua'amä̧ a̧'u̧ ttu'ä'ijätürü ppädäkuäwäkua'attü̧

Eseäkuäwä kka̧'a̧ adiu jȩtti̧yä̧u̧ suronä̧ jȩtta̧ pä'ü ttu̧sä̧rä̧u̧ru̧, jua'amä̧ mo̧ro̧jä̧ttü̧ weümä̧ juätütä ttȩmä̧kuȩ ja̧'a̧ttü̧.

Eseäkuäwä kka̧'a̧ rȩrü̧jü̧ topätürü, jua'amä̧ Dio juätürü rȩrü̧jü̧ toäkua'attü̧.

Eseäkuäwä kka̧'a̧ ttü chi̧mi̧ jäwänä̧, o'kajuiyünä̧ yapareu kkä̧nü̧, ukuturu suronä̧ wopü kuä'äu ttikua pä'ü ttusomȩnä̧ Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

Eseäkuäwä kka̧'a̧ ukuo te'äkuäwokotürü, jua'amä̧ pi̧jä̧ rȩjȩ tti̧rȩjä̧ pätti'äkua'attü̧.

Ukutumä̧ pi̧jä̧nä̧ttü̧ 'käruwäbü wotüjä̧. Ja̧'wa̧nü̧ ja̧'a̧nä̧ 'käruwäbü ü̧sa̧di̧ toepächomȩnä̧mä̧ ¿Tta̧'a̧nü̧ jȩpü̧tä̧ ü̧nü̧ä̧mä̧ ppa̧kuä̧dä̧kua̧'a̧ttü̧? Täkü jȩä̧kuä̧wä̧mä̧ juiyü ja̧'wa̧nü̧ ja̧'a̧ttü̧ mä̧nä̧ra̧'a̧tä̧ do'opü ttikuomȩnä̧ ttü̧ja̧ 'kuȩ'ku̧tä̧ ttiku.

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

Ja̧'wa̧nü̧ ja̧'a̧ttü̧ jȩ'kuä̧tu̧ku̧'a̧nü̧ jü̧ttü̧mä̧ jueünä̧tä̧ «A̧» pä'ätukui ja̧'wa̧ta̧nü̧ jȩ'kuä̧tu̧ku̧juiyü'anü̧ jü̧ttü̧'i̧nä̧ «jȩpo̧ko̧tü̧jä̧» pä'ätukui ja̧'wa̧nü̧ ja̧'a̧ttü̧ pi̧yȩttü̧ yaboku jȩpü̧mä̧ surojünä̧tä̧ jȩpü̧.

Ukutumä̧ pa̧'a̧nü̧ pä'a ä̧ju̧kui̧nä̧tü̧jä̧: Ya̧tȩ kka̧ra̧rü̧ i'äre ubaro'üttümä̧, pärokua'aku'i̧nä̧ mikuä churutä i'äre baropü ikuirü; ja̧'wa̧ta̧nü̧ ya̧tȩ kka̧ra̧rü̧ aku 'cho'ü ikuttümä̧, pärokua'aku mikuä churutä 'cho'ü ikuirü, jü̧nä̧. Ja̧'wa̧nü̧ ja̧'a̧nä̧ ukuturu pä'üsä: Ukuru suronä̧ jȩü̧ttü̧mä̧, mikuämä̧ jȩ'kuä̧rü̧; ja̧'wa̧nü̧ ja̧jü̧ jueimä̧ kui'ebaba ku̧wo̧jua̧'a̧ku̧nä̧ 'tauttümä̧, pätekua'anä̧ iyäwirü.

Ja̧'wa̧nü̧ ja̧'a̧ttü̧ ku̧wo̧jua̧'a̧ku̧nä̧ kui'äre, surojünä̧ ma̧kuä̧chü̧nä̧ jȩü̧ttü̧mä̧ baroku iku, ukuttütä otó do'opü ikui. Kuidepättü ji̧yȩtȩ toe'omȩnä̧mä̧ adiwa'a ja̧'wa̧nü̧ jo̧ka̧'a̧, kuidepä jättäji okurära̧'a̧ do'opü ikuäwi'üttütä, juiyo surojü'anü̧ ja̧'a̧. Ja̧'wa̧ta̧nü̧ ku̧wo̧jua̧'a̧ku̧nä̧ ku̧mü̧ surojünä̧ ma̧kuä̧chü̧nä̧ jȩü̧ttü̧mä̧, 'kui'oku iku ukuttütä otó do'opü ikui; ja̧'wa̧nü̧ jo̧ka̧'a̧ jü̧ttü̧mä̧, kuidepä o'kajuiyünä̧ okurära̧'a̧ do'opü ikuäwi'äkua̧jä̧.