Versículos más leídos de la Biblia ALuka 7

Compartir

Arɔ aneŋgha, nda tɔŋ, afɔt ngu ko nna se diŋgha ba tu hanami nna, arɔko amaŋ tɔl kushim diŋ. Aya ko ba ne tu hanami jajuk atɔsɔl kushim jajuk.” AYeso mu nye abiniŋghi yah, “Ba ta hanami afɔt nwuna.”

AYeso nye abiniŋghi yah, “Kunɔkchin nwun ta hywet, tseŋ atak kumenkafah.”

seko ngum yeseŋ amintiriŋ aYeso ya, asaŋ toss, ate kuum asaŋ korok nyisi ngu aton ntak aYeso ya. Amu sob kukuyo ichwe ngu asaŋ ti yɛs ntakghi, asaŋ tɔlom nna amu ti korok mme nkɔn lejela.

Ku koŋku ku te meŋ nde di ku ryat meŋ ndi ren ku bɛh arɔ nwun wɔgh ya. Ne fɛrɛŋ kuk, akwɔ meŋ sen ti te ijel. Meŋ ichwe meŋ mbe afe shon meŋ, meŋ maŋ bu nyes afe shon ba kak banzɔss. Meŋ ne nye ayo, ‘Tse,’ ngum wɔt, meŋ nye aya, ‘Bɛh,’ ngum bɛh. Meŋ nye akwɔ meŋ yah, ‘Nye ideŋ kyɛŋ’ ngum nye nde.” Seko aYeso foss aneŋgha, ate zirit arɔ anet mayama ya, amu tak tirik anye ishuun banet ko ba tu rok yah, “Meŋ nda tɔŋghɛn, atak Iserela gbik, kɔn meŋ ku sɛh kunɔkchin ko kushɛs ako ideŋ wɔgh.”

Iyama zena aYeso te banet gbaraŋ ijel ko ba se sha, bafe izɔn aso bafe nakabik nakpɛ. Aka tara ayisi bafe awil gbaraŋ. AYeso mu taba borokghi yah, “Borokghɛn ti tɔŋghɛn aYohana ikyɛt ko nyin din aso ida ko nyin fossɛna: Bafe awil sɛsɛh kudi, baya ko ntak mba tak sɔh tseŋ, bankyikyɛnɛ te kpɛsɛk, bafe aran foss, ba doro baya ko ba kuus, ba tɔŋ bafe iyɔm kukah kulejel.