Versículos más leídos de la Biblia متّی 2

Compartir

وَل او اُوں گھر ءچ داخل تھئے تے بال کُوں اُوندی ماء مریم دے کولھ ڈیکھ تے اُوندے اگُوں سجدہ کیتا، تے آپنڑے ڈبے کھول تے سونا، لُبان تے مُر اُونکُوں نذر کیتا۔

یسُوع، ہیرودیس بادشاہ دے زمانے ءچ یہُودیہ علاقے دے بیت لحم ءچ جمیا۔ اُوں ویلے سِجھ اُبھار تُوں مجُوسی یروشلیم ءچ ایہ پُچھدے ہوئے آئے جو ”یہُودیاں دا بادشاہ جیہڑا جمے او کِتھاں ہے؟ کیوں جو اساں سِجھ اُبھار آلے پاسے اُوندا تارہ ڈیکھ تے اُونکُوں سجدہ کرݨ آئے ہیں۔“

او تارے کُوں ڈیکھ تے بہُوں خوش تھئے۔

تے خُدا تُوں خواب ءچ ایہ ہدایت پا تے جو ہیرودیس دے کولھ ولا نہ ونجنڑ، او کہیں بئے رستے تُوں آپنڑے وطن دو لگے گئے۔ اُنہاں دے ونجنڑ تُوں بعد رب دا ہِک فرشتہ یُوسف کُوں خواب ءچ ڈِکھالی ڈِتا تے آکھنڑ لگا، ”اُٹھی۔ بال تے اُوندی ماء کُوں نال گِھن تے مِصر دو بھج وَنج، تے جئیں تئیں مَیں نہ آکھاں اُتھائیں رہوائے، کیوں جو ہیرودیس اِیں بال کُوں گولھ تے مارݨ چاہندے۔“