Versículos más leídos de la Biblia Matyiu 7

Compartir

Uwakani, e ka věwěndi ’nyěni: vahakani, o ka duwandini: tinakiděni, i ka dubuwěndi ’nyěni

ikabojana, a uwakě uěhěpi a pahakiyandi; a vahakě a duwakandi; na, o a tinakidě, i ka dubuwěndi.

Ndi uěhěpi a yokakě ndaga tě ijamě ekadi, na mâ‐a haka jâ, Mbi ka kwanidi mâ moto wa iyowě a longakidi ndabo ’aju o ilale

Ndi belombo beěhěpi ibeanyu be vahakě bato bapâkwe ba haka inyěni, haka tepi bâni nonaně; ikabojana ekae e ndi Elekanako na Basâki.

Ikabojana jâmbě i nd‘ ihâlě, na njeya e kopya, e valanakidě o ’měnâ, na ba duwakě yâ ba te nyěvâ.

Ngakiyani o jâmb‘ ihâlě; ikabojana jâmbě i n‘ upuju, na njeya e tepě o kena, e valanakidě o iwedo, na baitě ndi ba kěkě ovoně

Opělě ’nyěni, ba di babe, wa yowě lěni ivě ja bana banyu belombo beyam‘, na kumbakidě Hângw‘ ’anyu a jad‘ o Hěvěn, hanga na a ka vi ba uwakě Mâ belombo beyamu wa?

O yěkěněkiděni, o banga wa yěkudwěni. Ikabojana yěkě ’anyu e yěkěněkidě yâ tepě eanyu e ka yěkěnudwě; na eyějâ ’anyu e yějěněkě yâ tepě eanyu e ka yějěnwě.

Ndi uěhěpi a yokakě ndaga tě ijamě ekadi, na mâ‐a haye jâ, a ka kwanudwěndi eboki ya moto e longakidi ndabo ’aju o ebonda

E lě nd ’eâvě e umbwakiyě uhâmbâ u didi o dihâ ja mwana nyângwě, ndi wa piviye ukâkâ u didi o dihâ jâvě? Nd‘ o ka vâ lě na mwana nyângwě, na, Ta ha, mbi věngidě uhâmbâ o dihâ jâvě; umbwakiyate, ukâkâ u ndi o ijâvě dihâ?

Bandamakiděni na basâki ba ’vela ba vakě o ’nyěni o jadi na ibâtâ j‘ udâmbě, ndi o utema njâ ja majake. O ka yowěndi bâni na bebuma beâbu. Bato ba palakandi ngakya o mbolobonji, na belola o mbângě?

Nonaně nd‘ o, ele eyamu yěhěpi e lângâkândi bebuma beyamu; ndi ele ’be e lângâkândi bebuma bebe.

Ele ’yamu yaa lânge bebuma bebe, na ele ’be e ibě tepě na ngudi e lângâkě bebuma beyamu.

Ele yěhěpi e ha lângâkâ bebuma beyamu, e kwělěkwěndi na yâ‐ya ’hwě o veya.