Versículos más leídos de la Biblia Joni 4

Compartir

A Yalo na Kalou: ia ko ira sa soro vua, e dodonu me ra soro vakayalo ka vakaidina.

Ia ena lako mai na gauna, a sa qai yaco mai, era na soro vakayalo ka vakaidina vei Tamada ko ira sa soro dina; ni sa qara ko Tamada me vakaoqo ko ira sa soro vua.

ia ko koya sa gunuva na wai kaʼu na solia vua, ena sega sara ni viagunu ka tawa mudu; ia na wai kaʼu na solia vua, ena tu e na lomana me mata-ni-wai sa tovure ki na bula tawa mudu.

Sa vosa ko Jisu ka kaya vua, Kevaka ko sa kila nai solisoli ni Kalou, kei koya talega sa kaya vei iko, Solia mai vei au meʼu gunu; o sa qai kerea vua, ka sa solia vei iko ko koya na wai bula.

Sa kaya vei iratou ko Jisu, A qau kakana meʼu kitaka na loma i koya sa talai au mai; ka meʼu vakaotia na nona cakacaka.

Sa kaya na yalewa vei koya, Sa sega, saka, na nomui takitaki, a sa titobu nai keli-wai: o sa rawata maivei na wai bula o qori?

Sa kaya na yalewa vei koya, Au sa kila ni na lako mai na Mesaia; (o koya sa vakatokai na Karisito): ni sa tadu mai ko koya, ena tukuna vei keda na ka kecega. Sa kaya vua ko Jisu, Sai au ga sa vosa tu vei iko.

Dou mai bau laʼki raica na tamata, o koya sa tukuna mai vei au na ka kecega kaʼu a cakava: sai koya o qo na Karisito, se segai?