Versículos más leídos de la Biblia Zaa 10

Compartir

'Winyɔ yi 'wiyli -za, 'wli "ku -di -za "ne li -nyimɔ -za 'ɛyikɔ. -Mɔ, -ame 'e -yi -se 'nyakpa "kɛ zikpɛ yle, -se 'ɛ "kɛ lɔbhɔ 'ple.

'Mɔɔ -noɔ -lɔ wliagɛlenyɔ 'na "namanɔ yɔ. Wliagɛlenyɔ 'na "namanɔ 'bhale 'ɔnɛɛ zikpɛ "me 'ɔnɛɛ wlia za.

'Neɛ wlia fo 'na weli 'yukwli. 'E -yua, "ne 'wa -gɛle -ame.

'E 'joa zikpɛ 'na -ɛ -ka "kubhiɛ -wɛ kɔ. 'Wa -ka 'ce "kwlɛ bhli, "ne 'nyɔkpɔ "ne 'bhɛle- "ne 'ɔ "koa -ame kɔ -sɛ.

'Mɔɔ -noɔ -lɔ -gbanuɛgwe yɔ. -Ɔ kɛ -ame "me -ylɛle yi 'ce "po. "Naa-, 'ɔ yi 'bhle plɛ-, "ne 'ɔ yi zɔ 'wlo, "ne 'ɔ yi 'ce lili -bɛɛ' yle.

-Ame, 'mɔɔ -noɔ -lɔ wliagɛlenyɔ 'na "namanɔ yɔ. 'E -yi 'neɛ wlia, "ne 'neɛ wlia -yi -ame

-Ame To -ɔ 'joa- -ame kɔ -wɛ 'kpɔ kpɛnyee, "ne 'ɔ -zi "ku, "ne 'nyɔkpɔ "ne 'bhɛle- "ne 'ɔ "kɛ -ame To Lagɔ -bɛɛ' kɔ -sɛ. -Ame -nyɛ -ame To "bhaa, -bholo 'ye -a -yle -lɔ.»

-see To -yi -ame, "ne 'e -yi To -wɛ. 'E 'bhale 'neɛ zikpɛ "me 'neɛ wlia za.

'Nyɔkpɔ "ne -ame 'neɛ -zikpɛ kɔ -sɛ. -Mɔ "mɔ 'bhale- -lɔ -ayigɛsɛ "me. "Naa-, 'e -kɛ 'bhɛloɛ -se 'e 'cɛ "me 'bhale-, "ne 'e -kɛ 'bhɛloɛ -se 'e 'cɛ "kusɔ "kulibhile. -Ame To 'na -ye 'ɔ no -gbɔ 'e no yɛ -lɔ.»

"Ne Zezu yua -lɔ "kusɔ bhulɛle- nɛɛ: «-Ɛɛ, gbɛklɛklɛ 'ye 'e bhulɛle -lɔ 'anye nɛɛ: 'Mɔɔ -noɔ -lɔ wlia 'na -gbanuɛgwe yɔ.

-Mɔ, 'nyɔkpɔ -ɔ no 'dlasi 'ɛyikɔ 'na libhɔ -wɛ, 'ɔɔ "ne wliagɛlenyɔ yɔ, "ne 'ɔɔ "ne "ɛ wlia -wɛ 'bhe-. 'Ɔ kɛ -kaakpɔ 'na yiyinɔ 'ylime 'ye-, 'ɔ tle doɔ "ɛ wlia, "ne 'ɔ fɔtɔ -lɔ. "Ɛ -kaakpɔ bidliloa "ne 'ɔ kɔme -lɔ -bedia.

Zezu nɛɛ: «-Ɛɛ, gbɛklɛklɛ 'ye 'e bhulɛle lɛ 'anye: -Ɔ "mɔ wlia 'na -pi 'na -gbanuɛ "me ylɛle, "ne 'ɔ kɛ "ɛ -pi 'gbɛlɛ-, "ne 'ɔ -kɛ "bhle 'sibhɔ-, 'ɔyi -wɛ 'winyɔ "ne 'kpokponyɔ yɔ -lɔ.