Versículos más leídos de la Biblia लूका 6

Compartir

दुसरैं कु देया करो, तो थमकु भी दिआ जाग। थमकु थारा पूरा नाप दबा-दबाई, अर हला-हलाई अर भर भरीकना थारीयैं झोळियैं म घाल्या जाग। क्योंकि जिस नाप्पा थ थम नापते हो उसी थ थारै वास्तै भी नाप्या जाँग।”

आच्छा इन्सान आपके आच्छे मना थ आच्छियाँ बात्‍तां कहता है, अर इदा ही बुरा इन्सान आपके बुरे मना थ बुरीयाँ बात्‍तां कहता है, क्योंकि जो भी मना म भरया रहता है, वोही मोहो थ निकळता है।”

“बल्की आपके दुश्मणैं थ प्यार करो, उनकै सात्थी भलाई करो, काइं भी ना मिलणैं किया आस्सा थ उधार देवो, इदा करनै थ थारा बड़ा इनाम होग, अर थम परम-प्रधान परमेश्वरा के वारीस कुहांगड़े, क्योंकि परमेश्वर शुकर ना करनै आळैं पर, अर बुरा करनै आळैं पर भी आपकी रहमत करता है।

जिदा थारा पिता-परमेश्वर रहमत करनै आळा है, इदा ही थम भी दया करनै आळे बणो।”

“किसी कु सही गलत ना ठहराओ, तो थमकु भी सही-गलत कोइ ठहराया जावै। बदी ना लगाओ, तो थारै पर भी बदी कोइन लाग्गै। माफ करो, तो थमकु भी माफ करया जाग।

“हूँ थमकु कैहता हैं, जो मिस्कु सुणया करते, कि आपके दुश्मणैं थ प्यार करो। जो कोइ थारै थ नफरत करै, उनका भला करो। अगर कोइ थमकु बद्दउआ दवै, तो थम उसकु आशीष दो, अर जो थारी बुराई करै, उनकै वास्तै प्रार्थना करो।

अर जिदा थम चाहते हो कि लोक थारै सात्थी करैं, इदा ही थम उनथै सात्थी करो।

अगर कोइ थारै थप्पड़ मारै, तो दूसरी गाल भी आग्गै करी दो, अगर कोइ थारा साफ्फा लवै तो कुड़ता भी उसकु लैणै थ ना रोक्को। जो कोइ थारै थ मांगैं, उसकु देवो, अर अगर कोइ तेरी चीज़ लेई लवै तो उसथै ना मांग।

“कोइ भी आच्छा दरखत बुरा फळ नाही ल्यावै, अर नाही कोइ बुरा दरखत आच्छा फळ ल्यावै।

हर एक दरखत आपके फळैं थ पिछाणया जात्‍ता है। क्योंकि लोक झिड़ियैं थ अंजीर नाही तोड़ैं, अर नाही बेरीया थ अंघूर तोड़ैं।