Versículos más leídos de la Biblia yuhanna 15

Compartir

nyi kwiri kwaɽi, na orɔ ŋaŋa ril. muŋw nanni kwere duŋgwinyi-na, menyi gwu nanni-na tɔk, kwunde kwiri kweṯami riɽuŋw. ma ere nanni duŋgwinyi-na mac, a liti leḏi ŋuma eḏerri kwɔmne kwere mac.

nannir nyi gwu-na, ŋazi gwu ṯa nanni-na tɔk. kaka eṯi gwu ṯil ṯere ere eḏi ŋuma mac eḏi riɽi oɽeny, muŋw ere nani kwaɽi nana mac, a ṯa orɔ ŋwu ŋaŋa tɔk; a liti leḏi ŋuma mac eḏi riɽi, ma ere nanni duŋgwinyi-na mac.

ma nanni duŋgwinyi-na, ma ŋazi gwu ŋiɽaŋal ŋinyi nanni-na tɔk, uṯir lu ŋiɽaŋal ŋi ŋere nyiḏak ŋinaŋnaŋazi, ta ezi ṯa inḏa.

a liti liri licanyi-na mac, nenyi orɔ kwicaŋazi-na, na ŋazi alla eḏele eḏami riɽuŋw nyoru nyinḏi eḏi nanni dɔk, mindaŋ a Papa inḏeḏa ŋaŋwuzi ŋere nyiḏak ŋuṯizi ŋi lu yiriny yi yinyi.

ŋimɽi ŋende ŋere ŋiṯemḏizi la ŋu, eḏi kwizi kwere ṯiŋaci limeḏgen rɔgwɽɔ lu eḏi zi eyzi.

ṯil ṯere titi ṯeṯiriɽi mac duŋgwinyi-na, ŋwuɽu kiṯay. ṯil ṯere ṯeṯiriɽi, ŋwuzuɽi nana, mindaŋ ŋwami riɽuŋw.

amr winyi wiri ṯa wu, amiḏirna, kaka eṯiŋazi gwu amɽi.

ŋiɽaŋal ŋi ŋu, e ṯa Papa kwinyi niini-na, ma ami riɽuŋw; ta a ma ami orɔ limeḏgeriŋw linyi.

nyi kwiri kwaɽi kwir rerem; na Papa kwinyi orɔ kweṯidaɽminana.

ma kwizi ere nanni duŋgwinyi-na mac, er ṯa kaṯu kaka ṯii ṯay nana. ril ray nana, er zi andazi ŋwuduŋw, er zi kaṯu kigə-na, er uɽeḏi.

ŋimɔŋazi andaci ŋwu mindaŋ a ṯinyiŋlana ṯinyi ureni daŋgal-na dedep, ta ma ami nyeŋlenaŋw nyiḏak.

ma miḏa amra winyi, a ṯa nanni ki ŋimɽya-na ŋinyi; kaka eṯi nyi gwu miḏa amra weḏi Papa kwinyi, nenyi ṯa nanni ki ŋimɽya-na ŋuŋun.

amr winyi wiri wu, amiḏirna.

eŋgir orɔ leḏi ṯurmun, eŋgir zi ṯa amɽi leni luŋwun, lakin kaka iti ur ŋa gwu leḏi ṯurmun mac, elli ŋazi gwu ki ṯurmun-na, ṯaŋwu eṯir ŋazi uwezi leḏi ṯurmun.