Versículos más leídos de la Biblia Yohanes 15

Compartir

Na anggur tam saog wamnaba, a'un kal sae pongoropne saog wamlom. Nanag ma'ap tan koma a'un mo wamsom tanena, a'undi sa'a-sa'a ulamnep kom. Ane sembe nimi etne nanag ya'ag ma'ap tangto wamleba, na elap ma'ap tangto wamneme taneogna, nimi eneko wana maikno maubalul.

A'un nanap nhon ya'ag ma'ap tangto wapmunba, na babe a'unap nhon ma'ap tangto ya'ag wamukap. Kal sae aneko mori wana maubanep kom. Kal sae yo'oag ma'ap tangto pongkale kom tanena, wana maubanep kom. Ane saog uro a'un babe, a'un nanap nhon ya'ag ma'ap tangto wapmun kom tanena, a'un babe wana maubanep kom.

A'un nanag ya'ag ma'ap tangto wapmunba, nari ambarelamsin yubu a'undi wanaag meptaleba, ulapmun tanena a'undi, ‘Allahag molbahane,’ aro seneraglapmunne molbalulom. Molbamunne tatsilul.

A'undi na wepnelum kom aghana, nari a'un wepsisi. Wepsisiri a'undi sa'oag yubu palilamsin nena, ‘Pimundi wana maikno maulamlulom,’ aro a'un wepto sekililamsin. ‘Pimundi ka'eseptanep kom wana ya'ag uropne maulapmun,’ aro sekililamsin andarina, na siag kekhaekto wapmunneag agha Naniag mololapmunne a'unag tatsilul.

Nimi o'ona senehinne nubu sirikne wamlangena, nimi nhon, ‘Tebanun,’ aro elkabo sembe tiro tebanep tanena, o'ona senehinne nubu sirikne phelektopne orange babe wamnep kom.

Nanag agha wana maurop kom kal sae ni wamlenge eldi karepto toboghalul. Nanag agha wana maurop kal sae wamlenge, ‘Nen wana maikno maubalul,’ aro malinge wepto karebalul. Nari a'un ambarelamsin yubu toman agha sembenga a'unag wamogne wepto lanalamnoba, wana maubanep nimi taomdi wamlom.

Nari a'unag aruksirop yubu palilamnangena ane. Nari a'un o'ona sembamsin saog uro a'un mamun o'ona senel dalamlulom.

A'un undo nari yubu ka'ero neleptop nimi wapmundi, wana maikno maulapmun tanena, Nani paliag uroba kiptopne lag talul.

Nen Yesusti yubu lelamogti, “Na anggur tam sikne wamnaba, Nani anggur mo'oropne poneko wamla.

Nimi nanag ya'ag ma'ap tangto koma wamle nimi enekona, anggur mo'oropne ponekori toboghalul kal sae saog wamleri, ulne talul. Undop kal sae taneko nikag wimbaleri, aukag taplul.

Ni aneko nari a'un ambarelamsin andarina, na awi ulamnelne neneko a'unag wamleba, a'undi wanaag awi uahinepne neneko a'unag teknero wamlul.

Naniri nanag aruklamnel yubuag nari nelepto ulamnari, eldi na o'ona senelamnelneag meptangto wamna. Ane saog uro, nari a'unag aruklamsin yubuag a'undi babe nelepto ulapmun tanena, nari a'un o'ona sembamsinneag meptangto wamlulom.

Nari aruksirop yubu a'unag ambarelamsin nena ane. A'un mamun o'ona senel dalamlulom,” aro Yesusti ambatsiog.

A'un mog so'o eneag nimiri seneragto ul piropneag neleptop nimi wamsom tanena, mog so'oag nimiri a'un babe, ‘Nuri nimi,’ aro o'ona sembahiseng. Aghana nari mog so'o eneag nimiag agha a'un kiliro wepsisiba, wene a'unna, mog so'oag nimiri seneragto ul piropneag neleptop nimi kom. Ane sembe mog so'oag nimiri a'un sembe hausag senelamsiang.