Versículos más leídos de la Biblia Juan 1

Compartir

Siunapo isi'm ilia'm, siu'neje napo je 'yakakiu, napok iyo ji'niayija' kanwo Sinia' jilisa'.

Ti 'nelanjie'e t'ipi siunie inamtik ta'a ti po'o, ti je wakaljli'ijyi niwa wask'i'nelaja. Siunie inamtik yijap ta'a pi Sinia', 'yina jla'am ti Sinia'.

Janaka ti yata'm jikiowe'e ni ajnatiok, siunie ajnatiok je 'yijene paka inwone ka'nojmat'e.

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

'Yina ka lajak'i ti jla'am ti Sinia' ilisanayi wikie'eyi niwa wask'i'nelaja yi' ape'e 'ni ajnat, jla'am ti it'imina ti Sinia' ilisane. Naka'ne ni siunie in'wasankiye tajle; janaka'ne siojona 'esi' napo i'nio' iyoyisi jika katesa'.

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Siunie i'nio' ti inamtik pajk'i ti yikiajlin'ni ape'e 'ni ajnat, jla'am ti it'imina ti Sinia' ilisane 'ni ajnat, 'yina kiakayetak'i lapakawo siunapo yi'i 'ni ajnat je itiant'iejesi. 'Nese 'ni jika ajnat, 'yina siunapo tijnayi ti jika kia'lis je isi'm ilia'm.

Siojona ijiate jla'am ti kates ti ja'nakajanit'i ape'e wikie'eyi napo i'nio' yi' ape'e 'ni ajnat, majleyet'ipi ilia'm.

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.