Versículos más leídos de la Biblia Sun 10

Compartir

M'ertu na v'nv'nahien ima sena si iamk uaki, a ti ipav'nah sei karpep'n m'ertu kutakm a sei. V'eti Kana nma a ti p'etu silv'ien anr, la ipalini a si p'as ha.

Kana nv'i m'ertu p'as np'aur sivsiv. M'ertu p'as ip'aur sivsiv itu silv'ienan sena sivsiv.

Sivsivak avv'rn a drlk. Kana nrndaur, hir avsapa Kana.

Kana ntu silv'ien ikahiris naran anr, hir akavmln naran kinkin, m'ertu kinkin ikalev'lar al lm'ak.

Kana nv'i pn liu. Ipavr ti m'ertu kinkin ipav'alet dan asnk, Atua ipalev'la si stuan, laha hin ipama eim kadav'a av'aran kapasla nina.

Kana nv'i M'ertu p'as np'aur sivsiv. Kana nrndu sivsivak, sivsivak avrndu Kana.

A Tetiak la itaur al lm'ak ha, Hin ilil kasiv' m'ertu udlani. M'ertu kinkin ikalev'lar al lm'an a Tetiak. Kana m'ei a Tetiak nramk.”

Kana nrndau a Tetiak inap'i laha, inep'a nut a Tetiak irndu Kana inap'ei. Kana ntu silv'ienak sena sivsiv.

M'ertu kinkin ialev'lei asnk, v'eti Kana uaki ntaui. Nut huak iak a ti p'etaui, nut huak iak a ti p'elav'i ml. A Tetiak ittu sera parei lera a Kana a ti p'ani.”

Laha, a Iesu ivr anr ml kavr ti a, “Nvrdaui nvr a kam'i, Kana nv'i pn liu na sivsiv.

V'eti m'ertu auli uaki sena ti ipap'aur sivsiv, la sivsiv iav'i nkan ha, hin ipaln sivsiv uaki karuh naran ipala ti lip'ah didi ima. Laha, lip'ah didi ipahada ki, nki apavamkma.

Nvrdaui nvr a kam'i, ipavr ti m'ertu kinkin iahandan al pn liu na naml na sivsiv, v'eti ihap'r dan arna navanel uraur, m'ertu lera iv'i m'ertu na v'nv'nahien kutakm a m'ertu a ti ipalev' siar.