Versículos más leídos de la Biblia إنجيل متّى 5

Compartir

ما كيشعلو شي اللامْبة باش ينزّلوها تحت السطل، وَلكن كيعملوها على المرْفع وْكتضوّي على الناس كاملين الّي في الدار. خلّيو الضَّو ديالكُم يضوّي هَيدا قدّام الناس باش يشوفو الحسنات ديالكُم ويمجّدو باباكُم الّي في السما.

أنتُمَ ضَو الدنيا. ما تقدر شي تخبّع واحد المدينة مبْنيّة على الجّبل.

مبروكين الّي عندوم القلب نقي، حيت غادي يشوفو اللّٰه.

مبروكين الجيعانين والعطْشانين على التقوى، حيت هُمَ غادي يشبعو.

أمّا أنا كنقول لكُم، عزّو العدْيان ديالكُم. وْدْعيو من جهة الناس الّي كيمرْمدوكُم

"مبْروكين المساكن في الروح، حيت مُلك السماوات ديالوم.

مبروكين الّي كيصالحو بين الناس، حيت غادي يتسمّاو أُوْلاد اللّٰه.

مبروكين الّي كينوحو، حيت هُمَ غادي يتعزّاو.

مبروكين المضْطَهدين بْسباب التقوى، حيت مُلك السماوات ديالوم.

مبروكين الّي كيرحمو، حيت هُمَ غادي يتّرحمو.

مبروكين أنتُمَ ملّي كيعايروكُم وْكيمرْمدوكُم وْكيزبّلو فيكُم بْكُل كلمة قبيحة بالكدوب بْسبابي. فرحو وْنشطو، حيت الأجر ديالكُم كبير في السما، حيت هَيداك مرْمدو الأَنْبياء الّي كانو قبل منكُم.

مبروكين المتواضعين، حيت هُمَ غادي يوَرتو الأرض.

"أنتُمَ الملاح د الأرض. وَلكن إدا فسد الملاح، باش غادي يتملّح عاود؟ ما بقا كيصلح نْحتّى شي حاجة، غير يتسيّب على برّا ويعفسو عليه الناس.

كونو أنتُمَ كاملين فحال باباكُم الّي في السما هُوَ كامل.

وَلكن يكون الكلام ديالكُم إيّاه إيّاه، لا لا. والّي زِدْتِ على ديك الشي راه هُوَ من الشرّير.

"سمعْتو بلّي تقال: «العينينة بالعينينة والسنّة بالسنّة.» أمّا أنا كنقول لكُم، ما تقاومو شي الّي تقبّح عليكُم، وَلكن الّي عْطاك طرْشة على خدّك د الّيمين، دوّر لو يَخرى حتّى هِيَ.

وِادا كانت عينك د الّيمين كتعتّرك، قلّعاْ وْسيّباْ عليك. حيت حْسَن لك يتّهلك واحد الطرف من الجسد ديالك وْما يتسيّب شي الجسد ديالك كامل في جهنّم. وِادا كانت يَدّك د الّيمين كتعتّرك، قطّعاْ وْسيّباْ عليك. حيت حْسَن لك يتّهلك واحد الطرف منّك وْما يدخل شي الجسد ديالك كامل في جهنّم.