Versículos más leídos de la Biblia Lǔka 16

Compartir

“Kòyò dǒ kò yṳ̌ǎ jò a dǒ ta̤pî̌tî̌phû̌ pwǎ akû tôpwa̤nu, ta̤dû̌mi̤ti̤ akûnu mî̌ kòyò glè̌ yṳ̌ǎ jò a pě. Bǎbǎkǎlè kòyò dǒ kò yṳ̌ǎ jò yǎ dǒ ta̤pî̌tî̌ akû tô̤̌ tôpwa̤ nu, ta̤dû̌mi̤ti̤ akûnu mî̌ kòyò yṳ̌ǎ jò yǎ tô̤̌tô̤̌.

“Jû̌ tôpwa̤ ma̤bò̌ ta̤ma̤ dǒ běcǎ sò̌ginǐ̤ ata̤ noǎ alǎ̤nu aô̌ tôpwǎ̤꤮ tô̤̌. A glè̌ sǎkhî̌kè tôpwa̤ pě, dě a glè̌ mô̤ǐ tôpwa̤ pě. Mè̤̌tô̤̌dě a glè̌ sǎphlǒ tô tôpwa̤ pě, dě a glè̌ ma̤takhû̌takǎ tôpwa̤ pě. Sî ma̤ bǎ Cǒmara ayaya, ruhta ayaya ginǐ̤cǒ nu, anǐ̤ tô̤̌.”

Kè̌ ma̤pô̤̌nu hî̌dě, kò kè̌ yṳ̌ǎ sî kû̌ ta̤kè̌pǒ̤ hǎkhû̌ ta̤dû̌yò̤̌htò̌sa tô̤̌ hî̌ dě, mò̌pè tôpwa̤ gǔ yṳ̌ǎ jò sî kû̌ mǒkhû̌ ta̤dû̌yò̤̌htò̌sa mè̤̌mî̌ca nu pě? Dě sî kè̌ cǒtè̤ kû̌ kòyò ta̤kî̌ta̤krû̌ tô̤̌ kè̌hî̌dě mò̌pè tôpwa̤ gǔ ǐsî ta̤kî̌tǎ̤kû̌ dǒ a glè̌ htû na ta nu pě.

“Bǎbǎkǎlè PhaAbraha hî̌shěshu lû̌û kû̌, ‘asî kè̌ ganǎ̤de pô̤̌ Khûmṳ̂shě kû̌ piwi̤pèshè wě̤nǎ nutokhlǒ tô̤̌ hî̌dě, kòyò tôpwa̤pwa̤ kè̌ ihtǒhtûpwa̤ gesô̌ bǎ asî bǎbǎmî̌, a yṳ̌ǎ bǎ nô̌ na tô̤̌.’”

“Pwa̤khû tôpwa̤pwa̤ kè̌ bè̌kè ama dě a kè̌ cû̌phî̌ tèplè̌ kû̌ pwa̤mǒ̤ dǒ ashǔshawa̤ tôpwa̤pwa̤ kè̌hî̌dě a cû̌sǔnṳ̌kè kû̌ pwa̤mǒ̤ nutôpwa̤ hǒ. Dě pwa̤khû tôpwa̤pwa̤ dǒ a phî̌ pwa̤mǒ̤ dǒ a wṳ̂ bè̌kè lû̌û tôpwa̤ numî̌ a cû̌sǔnṳ̌kè kû̌ pwa̤mǒ̤ nutôpwa̤ hǒ.