Versículos más leídos de la Biblia Yṳ̂ha 8

Compartir

Běcǎ Yeshǔ hî̌ sô̌ kòyò nutokhlǒ kû̌, “He mî̌ hǎkhû̌ ata̤lî. Kòyò dǒ a gû̌ hekò tôpwa̤pwa̤nu, a cû̌ pe dǒ ta̤khǐsiwi̤ akla tôkhò̌꤮ tô̤̌. A gǔ nǐ̤bǎ ta̤lî dǒ a ǐ lû̌û ta̤htûpwa̤ asanu pě.”

Dě sî gǔ sî̌ganǎ̤ ta̤tě̤ta̤mè̤̌ pě. Dě ta̤tě̤ta̤mè̤̌ gǔ plûhǎhtò̌ pili sî pě,” A hî̌ asî pô̤̌nu.

Běcǎ Yeshǔ hî̌ Yǔdaphû̌ dǒ a yṳ̌nǐ̤nǎ̤nǐ̤ lû̌û nutokhlǒ kû̌, “Kè̌ sî jûlě̤phî̌yô̤̌ pṳ̂̌měǐ he ta̤sû̌ǐtòwòǐ tokhlǒ numî̌, sî htûhto he khôphijǎ dǒ a tě̤tě̤mè̤̌mè̤̌ tokhlǒ hǒ.

Pô̤̌nudě Cǒmara aphû̌khû mî̌ he kè̌ bôphlǔ plûhǎhtò̌kè sî kû̌ ta̤sǔta̤plě hî̌nu, sî nǐ̤bǎ ta̤ô̌pili mè̤̌mî̌ca hǒ.

Asî gwè̌ htohto gwè̌ sô̌sô̌ lû̌û akhû̌akhî, a ihtǒ dě a hî̌ asî kû̌, “Kòyò dǒ sîkla tôpwa̤pwa̤nu, a kè̌ hî̌ ǐtûû̌ anǎ̤ kû̌ ata̤sǔ ô̌tô̤̌ hî̌nu, wî wǐmò̌ pwa̤mǒ̤ nutôpwa̤ kû̌ lǒ̤nu,” A hî̌ pô̤̌nu.

Dě Běcǎ Yeshǔ hî̌shěshu asî kû̌, “He hî̌cǒcǒ sî, lǒ̤bò kòyò dǒ a ma̤ ta̤sǔ nutokhlǒ mî̌ a htûhto ta̤sǔ ajû̌hǒ.

Běcǎ Yeshǔ ihtǒ dě a gwè̌ lû̌û kû̌, “Pwa̤mǒ̤, asî cû̌bò bǎtè? Kòyò cî̌htò̌ pe na tôpwǎ̤꤮ tô̤̌ ya?” Dě a hî̌shěshǔ lû̌û kû̌, “A ô̌pe tôpwǎ̤꤮ tô̤̌.” Dě Běcǎ Yeshǔ hî̌ yǎ kû̌, “He mî̌ he cî̌htò̌ nô̌ na tô̤̌tô̤̌. Gemò̌ dě ma̤pe tǎ̤ ta̤sǔ tǎ̤mǎ̤ nî̌,” A hî̌ lû̌û pô̤̌nu.