Versículos más leídos de la Biblia Yṳ̂ha 14

Compartir

He bè̌kè bǎ sî sǎphlǒ a ta̤gûjû̌kabǎ hǒ. Dě he ǐ sî ta̤gûjû̌kabǎ hǒ. He ǐ sî numî̌ asô̌sô̌kû̌ kòyòhǎkhû̌phû̌ ǐ sî nutokhlǒ mè̤̌tô̤̌. Sǎphlǒgû̌gè̌ tǎ̤ lô̌khô tǎ̤mǎ̤. Ǐsha tǎ̤ lô̌khô tǎ̤mǎ̤mǎ̤.

Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.

Běcǎ Yeshǔ hî̌ asî kû̌, “Sǎphlǒgû̌gè̌ lô̌khô tǎ̤mǎ̤ nî̌꤮. Yṳ̌ǎ lô̌khô Cǒmara dě yṳ̌ǎ dô̌ lô̌khô he nî̌꤮.

Bǎbǎkǎlè, pha gǔ nohè bǎ sî pwa̤ma̤jè̌ sî Yôla Plò̌shǐ Běcǎ kû̌ hemi̤ pě. A gǔ sû̌ǐtòwòǐ bǎ sî ta̤lǒ̤bò pě, htokhôtô̤̌ lǒ̤꤮ bò ta̤ dǒ he hî̌hto sî tokhlǒnu, a gǔ dǐsî̌ganǎ̤ getîkhî sô̌ sî pě.

Kòyò tôpwa̤pwa̤ dǒ a pṳ̂̌měǐ he ta̤mǎlò̤ tokhlǒ, dě a ô̌htûpwa̤ kû̌ hekò tokhlǒ numî̌ kòyò tôpwa̤ dǒ a mô̤nṳ̌ he hǒ. Kòyò dǒ a mô̤nṳ̌ henu hepha gǔ mô̤nṳ̌ yǎ pě. He dě, he gǔ mô̤nṳ̌ dô̌ a pě dě he gǔ dǔlè̌lṳ̌ sanǎ̤ a kû̌ henǎ̤ pě.”

He gǔ kwihtò̌ pha dǒ a gǔ sûlò̤ bǎ sî pwa̤ma̤jè̌ sî tôpwa̤ dǒ he gûlǎ̤nu pě. Dě a gǔ ô̌cu kû̌ sî tûjû̌pwa̤ pě. A mî̌ Yôla Plò̌shǐ Běcǎ hǒ. A gǔ sû̌ǐtòwòǐ nè̌klè̌nè̌klò sî kû̌ ta̤tě̤ta̤mè̤̌ nupě. Kòyò hǎkhû̌phû̌ tokhlǒ kè̌shǐ bǎnô̌ yǎ tô̤̌tô̤̌, sî̌ganǎ̤ bǎnô̌ lû̌û tô̤̌tô̤̌ akhû̌akhî, a kaǎshǔ lû̌û tô̤̌ pě. Bǎbǎkǎlè sî sî̌ganǎ̤hto yǎ, ma̤titèhî̌dě a ô̌htûpwa̤ kû̌ sî dě a gǔ hèô̌ dǒ sî sǎphlǒkû pě.

Pô̤̌khô hepha a ta̤bwǐdû̌sîrîhtû gǔ ô̌lṳ̌htò̌ ayanu, sî kwi caba titètè̌꤮ bǎbǎ, sî kè̌ kwi kû̌ hemi̤ numî̌, he gǔ ǐ sî pě. Sî kwi caba titètè̌꤮ bǎbǎ, sî kè̌ kwi kû̌ hemi̤ hî̌dě, he gǔ ma̤ bǎ sî pô̤̌ sî kwinu pě.

“Sî kè̌ mô̤nṳ̌ he hî̌dě, sî gǔ ganǎ̤de jûlě̤phî̌ he ta̤mǎlò̤ tokhlǒ.

Dǒ hepha ahǐkûnu, hǐdǒkû lǎ̤ô̌ agûlǎ̤ ô̌ dû̌wî̤. A kè̌ ô̌tô̤̌ hî̌dě, he cû̌ hî̌ tǒ̤ sî ma̤titè? He glè̌ cû̌ tîwî̌tòwò nǎ bǎ sî gûlǎ̤ tûkû hǒ.

He cû̌ tîwî̌tòwò bǎ hto sî gûlǎ̤ tûkû pě dě he hè sô̌ dǒ sîô̌ pě. Pô̤̌khô sî gǔ ge ô̌plǒ kû̌ he bǎ he lǎ̤geô̌ agûlǎ̤ pěnu dě, he hè kaǎge sô̌ tûû̌ sî pě nî̌꤮.

Khûtû̌mǎ hî̌ lû̌û kû̌, “Běcǎ, na glè̌ cû̌ bǎtè tûkûnu pa sî̌ganǎ̤tô̤̌, pô̤̌nudě pa cû̌ sî̌ganǎ̤ jò klè̌ hî̌tè?”