Versículos más leídos de la Biblia เห่ขุทวาลู่ 1

Compartir

จอแปแหร่ดุ เฮ๊โป่ เน๊อ, “เป แบ๊ตาโหร่ลู แกแยเห่ขุพู๊ เด๊อ อาแซ่เน๊อ เปเหน่ เออเนอ โป๋. โทเร๊อ เตมีเตดอ โอ่ เด๊อ เทอเล เนอเต๊เห่ เบ่เบ่, ถู่พู๊โหย่พู๊ โย เด๊อ ม๊อเล เนอเต๊เห่ เบ่เบ่, เน๊อ เตมีเตแหม่ โอ่ เด๊อ มีเกล เนอเต๊เห่ เบ่เบ่, เตมีเตดอ เด๊อ อู โบ่ เร๊อลู เด๊อ ดอกูโฉ่กู เนอเต๊เห่ เบ่เบ่, อาดุดุ อาปีตี๊ตี๊ ล๋อ ปลี เนอ เป เด๊อะหนิ แกแยเห่ขุพู๊ อาเตเตอเรอฉว่าชอ เร๊อ นอ เป๊อ เร๊อลอ เน๊อ เหย่ซี โป๊,” อา เฮ๊ ฮู๊เนอ. ฮู๊เนอเร๊อ จอแปแหร่ดุ แบ๊ แกแยเห่ขุพู๊ แซ่เน๊อ อาเหน่ เร๊อ อา แบ๊ เพรคู เน๊อ เพรเหมาะ เออเนอ อาแซ่เน๊อ อาเหน่.

โทเร๊อ จอแปแหร่ดุ เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “พู๊โอ่โหร่เหลอโอ่เอ๊ แลแค เร๊อ โอ่บา ลอเจ๊อ เห่ขุ เออต๊าบ่า เร๊อ เป๊อตี๊หรี่ เร๊อดื่อ นี๋. เร๊อ เตมีเตดอ โอ่ เด๊อ เทอดุซาวากู เนอเต๊เห่ เบ่เบ่, ถู่พู๊โหย่พู๊ เด๊อ อา โย เด๊อ ม๊อเล เนอเต๊เห่ เบ่เบ่, เตมีเตดอ, เตมีเตแหม่ เด๊อ อา จว๊า เด๊อ เห่ขุ เนอเต๊เห่ ปว๊า เต๊อเจ่อ เบ่เบ่ เป๊อตี๊หรี่ เร๊อ ลอดื่อ เหย่ซี นี๋.”

เบ๊อะ จอแปแหร่ดุ แบ๊ตาลู่ เต อากูลู่เคเนอ อา แบ๊ตา หนิดื่อ ม๊อขุ เน๊อ เห่ขุ.

เบ๊อะ อา แบ๊ตาลู่ ปา เบ๊อะเนอ, เห่ขุ อาแหย่โยแหย่กี เออ อาตาโตตาเบ่ ล๋าย เตอเจ๋อ โต่, อา โอโกโย ปาแพ๊, เด๊อ เทอดุซาวาเออ อาขุเนอ อาคี๊ตือรือ ปาแพ๊. เร๊อ จอแปแหร่ดุ อาแหย่โยบูโพ๊ จว๊ากาจว๊าแฮ เด๊อ เทอ ขุ.

โทเร๊อ จอแปแหร่ดุ เฮ๊ เน๊อ, “เตลี โอ่ทวาแถ่ มอ,” เร๊อ เตลี โอ่ทวาแถ่.

เร๊อ จอแปแหร่ดุ แม๊เถอะ เกอเร๊อ ล๋อ อา เม เต เออเต๊เห่ เนอ เร๊อ อา แร๋ แหน่เจ๊อ อาขว่าอาคยา, อาซิปล่อโม เกอเร๊อ แหน่เจ๊อ. เหมาะคี๊ โทเร๊อ เหมาะลีบู แฮ, เร๊อ อา บาแถ่ เฮ๊อ เตอ เนอ, เร๊อ เนอเตอเนอ หม่า อาเนอ โซซว๊า.

จอแปแหร่ดุ แม๊เถอะ เน๊อ เตลีเออ อาแร๊ เร๊อ อาซิปล่อโม เกอเร๊อ แหน่เจ๊อ, เร๊อ อา แด่เถ่โค๊แก เตลีเออ เด๊อ เตคี๊เกล.

โทเร๊อ จอแปแหร่ดุ เฮ๊โป่ เน๊อ, “แว เด๊อะตา เป่ ซี ส่อตอส่อเหล่ เด๊อ อา เก่ เส่เถ่โพเถ่ เป่ ซี เหล่เอ่เหล่โอ อาเง, เน๊อ ส่อเส่เหว่โพ เด๊อ อา เก่ เส่เถ่โพเถ่ เป่ ซี เหล่เอ่เหล่โอ อาเง เด๊อ เห่ขุ ต๊าบ่าลอ เออเนอ เฮ๊อ.

เตลีเออเนอ จอแปแหร่ดุ เอ๊เกอเร๊อ อามุย เน๊อ เหมาะเชเกล, เร๊อ เตคี๊เออเนอ อา เอ๊เกอเร๊อ อามุย เน๊อ เหมาะคี๊. เหมาะคี๊โทเร๊อ เหมาะลีบู แฮ, เร๊อ อา บาแถ่ เฮ๊อ เตอเนอ, เร๊อ เนอเตอเนอ หม่า อาเหร่อเล๊อ เตอเนอ เฮ๊อ.

เร๊อ จอแปแหร่ดุ เฮ๊โป่ เน๊อ, “ป่าโส่ โอ่ทวาแถ่ มอ เด๊อ เทอ เนอโผะ อาเปล่กู, เร๊อ เบ โค๊แก เทอ เด๊อ ม๊อเล เน๊อ เทอ เด๊อ เห่ขุ เออ เนอ.”

หม่าแน๊เรอ ล๋อ เตมีเตแหม่ โอ่ เด๊อ เห่ขุ เออเนอ เต๊เห่, เน๊อ ถู่พู๊โหย่พู๊ โย เด๊อ ม๊อเล เนอเต๊เห่ เน๊อ เตมีเตดอ เด๊อ อาดุดุ อาปีตี๊ตี๊ ล๋อ ปลี เร๊อ อาซิปล่อเซอเพร โอ่ เนอเต๊เห่ เหล่เอ่ อาเง, แว เด๊อะตา เป่ เหย่ซี มีออ เน๊อ ส่อตอส่อเหล่.” เร๊อ อา ทวาแถ่ ลอปลี ฮู๊ อา เฮ๊ เนอ.

จอแปแหร่ดุ เฮ๊โป่ เน๊อ, “แซ่ฮู๊ เหมาะคี๊ เน๊อ เหมาะเชเกล เก่ เบโค๊ คยาลู อาเงเนอ, เตลี โอ่ทวาแถ่ มอ เด๊อ ม๊อเล เนอ, เร๊อ นอ เมม๊าเมแด โลตาโต ตาเบ่ เป่ อู เน๊อ เตค๊าเตขิ, ม๊อเนอม๊อเซ เน๊อ หน่าเล เต๊เห่.

จอแปแหร่ดุ เฮ๊โป่ เน๊อ, “ส่อตอส่อเหล่ ปว๊า เต๊อเจ่อ แด๊แถ่เพ๊แถ่ ลอ มอ. ส่อเส่เหว่โพ ปว๊า เต๊อเจ่อ โพเถ่เส่เถ่ ลอ มอ, ส่อเหมาะเหว่โบ ลอปลี ซี, แด๊แถ่เพ๊แถ่ ลอ มอ เบ๊อะ เห่ขุเออ ฮู๊ อาเมวเจอะ เหล่โกล เส่เถ่ เกอเร๊อ เนอ นี๊,” เร๊อ อา ทวาแถ่ ลอปลี ฮู๊ อา เฮ๊ เนอ.

ฮู๊เนอเร๊อ จอแปแหร่ดุ แบ๊ตา ป่าโส่, เร๊อ อา เบ โค๊แก เทอ โอ่ เด๊อ ป่าโส่ขุ เนอ เร๊อ เทอ โอ่ เด๊อ เห่ขุเออ เต๊เห่. เร๊อ อา ทวาแถ่ ลอปลี ฮู๊ อา เฮ๊ เนอ.

เร๊อ เห่ขุ เด๊อะ เส่แถ่โพแถ่ เป่ ส่อตอส่อเหล่, ส่อเส่เหว่โพ เน๊อ ส่อเหมาะเหว่โบ ล๋อ ปลี ฮู๊ อาเมวเจอะ เน๊อ อาเมวเจอะ เหล่โกล เส่เถ่ เกอเร๊อ เนอ. เร๊อ จอแปแหร่ดุ แม๊เถอะ เกอเร๊อ อาเตเม เออ เน๊อ อาแร๊ เร๊อ อาซิปล่อโม เกอเร๊อ แหน่เจ๊อ.

จอแปแหร่ดุ แบ๊ตา หนิ เตลีดุ เนอเม, อา ลีชอเล๊อ เตเม หม่าเฮ๊อ ต๊อเหมาะ เออ เร๊อ อา นอ ลี หนิลู เด๊อ เหมาะเชเกล, อา ลีเจ่ เล๊อ หม่าเฮ๊อ เล เออ เร๊อ อา นอ ลี หนิลู เด๊อ เหมาะคี๊, เร๊อ อา แบ๊ตา หนิเกอ โป่ดื่อ เฉ่ ซีเต๊เห่.

เร๊อ จอแปแหร่ดุ เฮ๊โป่เน๊อ, “เทอ เด๊อ ม๊อเล เนอเต๊เห่ โอ่ปล๊อ ต๊าหน่าโตโฉ จว๊าโค๊แก โต๊โผะ โทเร๊อ โกโลคราขุ โอ่โลแถ่ มอ,” เร๊อ อา ทวาแถ่ ลอปลี ฮู๊ อา เฮ๊ เนอ. จอแปแหร่ดุ เอ๊เกอ เร๊อ โกโลครา เออ อามุย เน๊อ เห่ขุ, เร๊อ อา เอ๊เกอ เร๊อเทอ เด๊อ อา จว๊าโอ่เต่อปล๊อ โค๊ลูเออ โต๊โผะ อามุย เน๊อ เทอดุซาวา, เร๊อ จอแปแหร่ดุ แม๊เถอะ เกอเร๊อ อาเตเมเออ เน๊อ อาแร๊ เร๊อ อาซิปล่อโม เกอเร๊อ แหน่เจ๊อ.

จอแปแหร่ดุ เด๊อะบุ๊ยเด๊อะเตอเรอ เร๊อ ล๋อ เตมีเตดอ เออเต๊เห่ เร๊อ อา เฮ๊ เน๊อ, “เตมีเตดอ เด๊อ อา โอ่ เด๊อ เทอดุกู เนอเต๊เห่ซี๋, พู๊เพ๊แถ่เอ๊ แลแค นี๋, พู๊ทวาพู๊เพ๊ พู๊โอ่โหร่โอ่เอ๊ แลแค นี๋,” เร๊อ อา เด๊อะบุ๊ยเด๊อะเตอเรอโป่ ถู่พู๊โหย่พู๊ ซีเต๊เห่ เน๊อ, “พู๊เพ๊ แถ่โหร่แถ่เอ๊ แลแค เด๊อ เห่ขุเออ นี๋.”

โทเร๊อ จอแปแหร่ดุ เฮ๊โป่ เน๊อ, “เก๊อ เห่ขุ, เด๊อะโอ่ทวาแถ่ มอ เตมีเตดอ เด๊อ อาแน เต๊เห่ เบ่เบ่, เตมีเตแหม่ เด๊อ อาแปล เต๊เห่ เบ่เบ่, อาดุดุ อาปีตี๊ตี๊ ล๋อ ปลี ฮู๊ อาเมวเจอะ เน๊อ อาเมวเจอะ โอ่ เร๊อดื่อ เนอ,” เร๊อ อา ทวาแถ่ ลอปลี ฮู๊ อา เฮ๊ เนอ.

จอแปแหร่ดุ เฮ๊โป่ เน๊อ, “ล๋อ เตแบ๊แล ปว๋า เต๊อเจ่อ เด๊อ อา จว๊า เด๊อ เทอกู ซีเต๊เห่ โอ่ทวาแถ่ เร๊อ โอ่บาแถ่ มอ เด๊อ เทอกู เนอ. ถู่พู๊ ปว๊า เต๊อเจ่อ โอ่ทวาแถ่ มอ เร๊อ โย มอ เด๊อ ม๊อเล เนอ.” อา เฮ๊ เร๊อ อา ทวาแถ่ ลอปลี ฮู๊ อา เฮ๊ เนอ.

ฮู๊เนอเร๊อ จอแปแหร่ดุ แบ๊ตา เตมีเตดอ เด๊อ อาแน เบ่เบ่, เตมีเตแหม่ เต๊เห่ เบ่เบ่, อาดุดุ อาปีตี๊ตี๊ ล๋อ ปลี ฮู๊ อาเมวเจอะ เน๊อ อาเมวเจอะ เร๊อดื่อ ฮู๊เออเนอเร๊อ จอแปแหร่ดุ แม๊เถอะ เกอเร๊อ อาเตเมเออ เน๊อ อาแร๊ เร๊อ อาซิปล่อโม เกอเร๊อ แหน่เจ๊อ.