Versículos más leídos de la Biblia Markus 13

Compartir

Pyang ɓiɓo, ya ɓiin na wun lakunlaa, ama ɓoma jaam na mud kushi na shiini, ɓi tuban, i ban malas kuni, yi kumun yak mud.

Nǝkni jingjing! gin nwang ni tulu ɓa, wun sun daal ban yu la mǝs ma ɓa.

Mǝs ma a na bwalam wun, a yuum na wun ɓe kas nzu ɓi wun, ɓi kun ma wun shap, gin sheel wun ɗa. Shap ni kun ma Koǝl pa ɓi wun, i dini ma nggalang, lakunla ba wun na shap kun ma ɓa, ama wuus la Koǝl la.

Takkoǝl la nzaal ɓi malas sa, ama kun laa kaa malas sa.

Yeso kǝr shap na, “Ɓomaan sǝn daal tangal la mǝssa, ko muntum ɓa la Koǝl i takkoǝl, ko mi, Munɓo ma, ama she Koǝl, Tad ma, yi ɗik.

Wun na wa'am a ban pak lo, ko a na, a yad ban pak lo, ɓi ɓaal wun gin datta. Gǝrɓa ɓiɓi pyang na ban pak laya, ama tangal ma malas kuni ma sǝn pak kasa ɓa.

Nakunla wana, nǝkni jingjing, wun sǝn daal mǝs ma ɓoma lama, ɓi kad kaa ɓa. Na kurup, ko na mudkid duk, ko mǝsma kwarak kyuk ɓi twang, ko na mud duru. Yi na yuum, a mǝs ma wu sǝn daalla, gin yak ti'e ɓi kumu, wu nwang tulu ɓa. Kun ma shappi wun, wanana shap ka ɓi koyab ɓo: nǝkna rii!”

Nzaal ɓi pa'an lo, na nzaal maan, nwang rangan ɓi pa'an lo, la ban nwang rangan maan. Ban ɗangɗang ɓi dǝngǝl na in munnza, wanana nzal ɓi walan ban ɗangɗang kasa i ban ɗangɗang. Gǝrɓa ɓiɓi pyang swabtak ban bung na ma.

Lakunla ɓwaɗan kun la Koǝl mi, she ya na shap mi, i koyab nzaal, kasa ki ban masal kun munnza .

Ɓoɓa bǝlǝn ya yu na ɓaal lwa'a, ya ki na, ‘Mi na Kristi’, ya swaran ɓoɓa bǝlǝn.

She wun nǝkni jingjing. Nakunla a paa na wun ɓuk ɓi ɓoji ɓa gari, a wulan wun shangmi, i ɓaal nda ban raam la Yahudawa. Wun jaam na dum ɓi rangan na ɓi gwamna nakunla mi, ɓi wun kumban jaam kud takkun la, i ban ya.

Nakunla ba Kristi mamiin na ɓa, la ɓayak tak tum la Koǝl ɓa mamiin na ɓa, ya ki pak gǝr sheel, ɓi swar ɓoɓa a zaap ya, ma ka ɓi pa'an yid.

Ama i mǝsma ɓiɓi, takwad bung ɓa ɓiɓi tangal ɓi toonna, talyang kaa mongas ban li ɓa: Ɓi za'ara ɓi tukoon i takkoǝl, nyap ɓa takkoǝl ɓi dǝngǝl na.