Versículos más leídos de la Biblia Génesis 8

Compartir

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe. Te jayeb c'aal ay te balumilale, ma xch'ay te bit'il ay yorail awal soc ay yorail c'ajoj, ay me yorail sic soc ay me yorail c'ajc'alel q'uinal, ay me yorail verano soc ay me yorail invierno, ay me c'aal soc ay me ajc'ubal ta balumilal”, xi'.

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Malix c'aal a sujt' tel ta stojol te stsumute, slut'oj tel yabenal olivo. Jich la sna' stojol te Noé te bit'il chicanix te lumq'uinale.