Logo de YouVersion
Ícono Búsqueda

Versículos más leídos de la Biblia यूहन्‍ना 21

खुङया़गी साह सिहन फान्‍ज्‍यो येशूगी सिमोन-पत्रुसला सुङ नाङसीन, “ए यूहन्‍नाकी पुह सिमोन, च्‍यि ख्‍येगी ङाहला लेहमेनया़गी म़ेदी माहङबु चेवा पेहकें ले?” ओहले पत्रुसगी मासीन, “लाहसो ला़ह चो़वो, ङाह राहङला चेवा पेहकें म़ेदीनी राहङला थुयी़राङ येह।” येशूगी खोला सुङ नाङसीन, “ङाहती ल़ूह पी़हरुया़ला साहज्‍ये तेर।” ओहले येशूगी पत्रुसला येहपाराङ टी़ह नाङसीन, “ए यूहन्‍नागी पुह सिमोन, च्‍यि ख्‍ये ङाहला चेवा पेहकें ले?” ओहले पत्रुसगी येशूला मासीन, “लाहसो लाह चो़वो, ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला चारा पेहतोङ।” ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

Planes y devocionales gratis relacionados con यूहन्‍ना 21